Elbasynyń tapsyrmasy boıynsha Astana ákimi UOS-nyń bir top ardageri men tyl eńbekkerlerine memlekettik nagradalardy tabys etti
Astana ákimi, memleketke sińirgen eńbegi men belsendi qoǵamdyq qyzmeti úshin jáne 1941-45 jyldardaǵy Uly Otan soǵysyndaǵy Jeńistiń 65 jyldyq mereıtoıyna oraı, bir top ardagerge «Qurmet ordenin» jáne «Eren eńbegi úshin» medaldaryn tabys etti.
Sondaı-aq Otan úshin ot keshken qarııalardyń taǵy birqatary Qazaqstan Respýblıkasynyń Qurmet gramotalarymen marapattaldy.
Ardagerlerdi aldaǵy merekemen quttyqtaǵan I.Tasmaǵambetov: «Uly Jeńis biz úshin qashan da kıeli uǵym. Búgingi táýelsizdigimizdiń tańy sizderdiń alyp bergen jeńisterińizdiń arqasynda desek artyq bolmaıdy. Búginde táýelsizdigimiz tabandy, egemendigimizdiń baıandy bolýyna da sizderdiń qosyp jatqan úlesterińiz bar. Bul oraıdaǵy Elbasy N.Nazarbaevtyń ardagerlerge degen úlken qurmeti men ystyq yqylasyn jaqsy bilesizder. Osy Uly merekeniń qarsańynda óziniń Jarlyǵymen bir top astanalyq ardagerlerdi memlekettik nagradalarmen marapattaý jóninde óziniń sheshimin qabyldady», - dep atap ótti ol.
Qala basshysynyń aıtýynsha, ótken jyly Astana qalasynda baspana kezeginde turǵan ardagerlerdiń barlyǵyna páter kiltteri berildi. Biraq ishki kóshi-qon esebinen elordaǵa kelip jatqan ardagerler bul tizimdi qaıta jasaqtaýda. «Olardyń elordaǵa kelýine biz tek qýanamyz jáne olardyń eshbiri baspanasyz qalmaıdy», - dedi ol. Bıyl 2009-2010 jyldar aralyǵynda úı kezegine turǵan barlyq 56 ardagerge páter kiltteri berilmek.
Óz kezeginde ardagerler qaýymynyń ortaq alǵysyn jetkizgen Vasılıı Mýrentsov: «Biz memleket pen onyń Prezıdenti N.Nazarbaevtyń UOS ardagerleri men tyl eńbekkerlerine degen iltıpatyn taǵy bir sezindik. Sol úshin úlken alǵysymyzdy bildiremiz. Biz óskeleń urpaqty patrıottyq rýhta tárbıeleý úshin qazir de óz úlesterimizdi qosyp jatyrmyz. Kózimizdiń tirisinde olarǵa soǵystyń ne ekendigin, otandastarymyzdyń qan maıdandaǵy erligin baıandaýdamyz», - dedi.
Seıilbek Ýsın bolsa, táýelsiz Qazaqstannyń búgingi jetken jetistigine, onyń halyqaralyq deńgeıde moıyndalyp jatqanyna kózderiniń kýá bolyp otyrǵanyna qýanyshty ekendikterin aıtyp, bıyl memlekettiń halyqaralyq beldi uıymdardyń biri - EQYU-ǵa tóraǵalyq etýin, oǵan qol jetkizgen Elbasynyń syndarly saıasatyn ardagerler qaýymy qoldaıtynyn jetkizdi.