Elbasynyń senimi, partııanyń qoldaýy erekshe kúsh-qýat beredi - Toqaev

NUR-SULTAN. QazAqparat - Men dástúr sabaqtastyǵyn saqtaı otyryp, ıgilik jáne ádilet jolyn tý etip, qarqyndy damýdy jalǵastyrýǵa bar kúshimdi salamyn. Bul týraly búgin «Nur Otan» partııasynyń kezekten tys HІH sezinde partııa atynan QR prezıdenttigine kandıdat retinde bekitilgen Qasym-Jomart Toqaev aıtty, dep habarlaıdy QazAqparat tilshisi.

Memleket basshysy «Nur Otan» partııasy kópultty qoǵamymyzdyń birligin nyǵaıtý jolynda aıanbaı eńbek etip, Qazaqstandy damytý jolyndaǵy ıgi isterge barsha halqymyzdy jumyldyratyndyǵyn basa aıtty.

«Tarıhtyń jańa taraýyn bastaǵan egemen elimiz taǵy bir mańyzdy kezeńniń aldynda tur. Elbasynyń parasatty paıymy el jylnamasynda jasampazdyqtyń jarqyn paraǵyn ashty. Osyndaı asa jaýapty sátte Elbasynyń senimi, partııanyń qoldaýy maǵan erekshe kúsh-qýat beredi. Men dástúr sabaqtastyǵyn saqtaı otyryp, ıgilik jáne ádilet jolyn tý etip, qarqyndy damýdy jalǵastyrýǵa bar kúshimdi salamyn. Barshańyzǵa kóp rahmet», - dedi Qasym-Jomart Toqaev.

Eske salaıyq, Elbasy Nursultan Nazarbaev búgingi sezd barysynda Qasym-Jomart Toqaevtyń kandıdatýrasyn «Nur Otan» partııasynan QR Prezıdenttigine úmitker retinde usynǵan bolatyn. Sezge qatysýshylar usynysty biraýyzdan qoldap daýys berdi.