Elbasynyń «Ómir ótkelderi» kitaby qazaqstandyq patrıotızmniń is júzindegi kórnekti oqýlyǵyna aınalady - G.Ábdiqalyqova
«Bul kitapta el prezıdenti jastyq shaǵynan bastalǵan óziniń ósý-órleý joldaryn baıandaı otyryp, Qazaqstannyń keńester kezindegi ahýaly men táýelsizdiktiń alǵashqy jylynan búginge deıingi júrip ótken jolyn tereńnen qozǵalǵan oı-tolǵanystarymen jetkizedi. Atalǵan shyǵarmanyń qundylyǵy týraly jeke pikirimdi aıtsam, Elbasy men suhbat alýshy arasyndaǵy ádebı shynaıy áńgimeniń órbýi, egemendik shejiresine qatysty buryn-sońdy estimegen tyń derekterdiń usynylýy, «Ushqan uıa ulaǵaty» atty tarmaqpen bastalyp, «Nurly jolǵa» ulasýy sııaqty ómirbaıandyq suhbattar tarıhı oqıǵalarmen sabaqtastyryla ret-retimen berilýi, sondaı-aq ózara dıalog barysyndaǵy ıntellektýaldylyq pen qazaqtyń shuraıly tili oqyrmandy ózine tartatyn erekshe tustarynyń qataryna jatqyzýǵa bolady»,- dedi Memlekettik hatshy.
Onyń atap ótýinshe, kitapta Azııa men Eýropany qatar jaılaǵan qazaq eliniń eki saıası júıe - totalıtarızmnan demokratııaǵa aıaq basýy, eki ekonomıkalyq júıe - josparly ekonomıkadan naryqtyq ekonomıkaǵa kóshýdegi qıyn shaqtar jan-jaqty aıtylady. Ásirese, Táýelsizdik basyndaǵy Semeı ıadrolyq polıgonyn jabý, «Baıqońyr» ǵarysh aılaǵynyń mártebesin belgileý, memlekettik shekarany mejeleý kezindegi Elbasynyń erekshe saıaı erik-jigeri men kóregen dıplomattylyǵy, sańlaq saıasatkerligi san qyrynan ashyp kórsetiledi. Kitapty oqı otyryp, elaralyq kelisimder men kelissózderdegi memleket basshysynyń suńǵyla saıasatkerligi men harızmalyq oı-órisin, muqalmas qajyr-qaıratyn shynaıy sezinip, tańdanys jáne maqtanysh sezimi kerneıdi.
«Sondyqtan bul kitapty birinshiden, Prezıdenttiń uly isteri men ulaǵatty ómiri jaıyndaǵy tolyq ǵumyrbaıandyq shyǵarmalardyń biri retinde baǵalaýǵa bolady. Ekinshiden, qazirgi zamanǵy qazaqstandyq memlekettiliktiń baǵa jetpes derekkózi retinde qundy bolyp otyr. Úshinshiden, bul kitap qazaqstandyq patrıotızmniń is júzindegi kórnekti oqýlyǵyna aınalmaq. ıAǵnı, Elbasynyń ǵıbratty ǵumyry aıshyqtalǵan atalǵan kitap memleket jáne qoǵam qaıratkerleriniń, memlekettik qyzmetshilerdiń, ǵalymdar men stýdentterdiń, jalpy jurtshylyqtyń erekshe qyzyǵýshylyǵyn týdyratyny anyq», - dedi G.Ábdiqalyqova.