Elbasynyń maqalasy árbir azamattyń týǵan jeriniń gúldenýine naqty úles qosýǵa úndeıdi - Shyryn Qurmanbaeva

ASTANA. QazAqparat - Qazirgi baıqalyp otyrǵan álemdik rýhanı toqyraýlar kezeńinde jańa dúnıetanymdyq baǵyt qajettigi basty máselege aınaldy. Osyǵan baılanysty ulttyq sanany jetildirý baıyptalǵan Elbasynyń «Bolashaqqa baǵdar: rýhanı jańǵyrý» baǵdarlamalyq maqalasy bıylǵy Joldaýyndaǵy tujyrymdarmen sabaqtas. Eldigimizdiń rýhanı damýyna serpin beretin negizderdi ulttyq sanany ushtaýǵa baǵyttaıdy»,-deıdi Qazaq gýmanıtarlyq-zań ınnovatsııalyq ýnıversıtetiniń rektory, QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi, saıası ǵylymdarynyń doktory, professor Shyryn Qurmanbaeva.

Onyń pikirinshe, ulttyq ıdeologııa bizge aýadaı qajet. Óz tilimizdi, tól mádenıetimiz ben dástúrimizdi qurmettep, saqtap qana qoımaı jas urpaqqa, búkil álemge nasıhattaý - ǵylym-bilim salasy qyzmetkerlerine, júkteletin jaýapkershilik.

«Sanany rýhanı jańǵyrtýǵa básekege qabiletti, bilimdi eldiń ǵana shamasy jetedi. Atalǵan maqaladan jańasha bastaý alatyn «Týǵan jer», «Mádenı geografııalyq beldeý» jobalary ǵylymı-aǵartý zertteýlerine keń tynys beredi. Sonymen qatar árbir azamattyń óziniń týǵan jeriniń gúldenýi úshin naqty úles qosýǵa úndeıdi. Osy oraıda ulttyq sanany jańasha jańǵyrtýda qazaqstandyq áıelderdiń belsene atsalysaryna senemin. Elin jerin súıetin batyr uldarymyz ben ınabatty qyzdarymyzdy búkil álemge qazaq halqynyń tulǵasyn dáripteıtindeı tárbıeleý máselesiniń dál osy tusta ózektiligin aıtpasaq bolmas. Rýhanııatymyzdyń órisin keńeıtetin qundylyqty paıymdaýlardy negizge ala otyryp, ortaq isimizge jańa serpin aldyq. Ony qapysyz júzege asyrý mindet dep bilemin. Osy oraıda dástúrimizdiń eń bir asyl úlgisi - Ájeler ınstıtýtyn jańǵyrtý ekeni sózsiz»,-deıdi ýnıversıtet rektory.