Elbasynyń Konstıtýtsııalyq Keńeske júginýine sarapshylar pikir bildirdi
«Prezıdent 1995 jyldan bastap 20 astam ótinish joldandy. Bul kádimgi tehnıka men tártip bolyp sanalady. Konstıtýtsııalyq Keńestiń róli de sol. ıAǵnı, eshqandaı tótenshe jaǵdaıdy meńzep tur dep aıta almaımyn. Elbasy búginde tyń formada, qanshama qabyldaýlar ótkizip, kóptegen baǵdarlamalyq qujattar qabyldady. Sondaı-aq, «Nur-Otan» partııasynyń kezekti sezine daıyndyq júrýde. Aýqymdy strategııalyq josparlar kózdelýde. Sondyqtan Konstıtýtsııalyq Keńes merzimi normaǵa sáıkes ótedi dep oılaımyn. Bul týraly Elbasynyń ózi de aıtyp ótti. Qazir Prezıdenttiń otstavkaǵa ketýine esh qajettilik joq», - dep jazdy saıasattanýshy Erbol Edilov óziniń Telegram paraqshasynda.
Sondaı-aq, saıasattanýshy Talǵat Qalıev Elbasynyń Konstıtýtsııalyq Keńeske ótinish bildirýi zańdy ekenin aıta kele, el basqarýǵa qatysty barlyq suraqtar Ata zańmen rettelýi tıis dep esepteıdi.
«Árıne Konstıtsııalyq Keńeske berilgen ótinish zańdy ári qısynda dúnıe. Konstıtýtsııa jobasyn ázirleýde Memleket basshysynyń el basqarýdan óz erkimen bas tartýy múmkin ekendigi eshkimniń oıyna kelmegeni qyzyq. Kez kelgen jumysshynyń eńbek jaǵdaıynda óz erkimen shartty buzýǵa quqyǵy bar. Jumys berýshi bar bolǵan jaǵdaıda, ózara áreketter eńbek týraly zańnama aıasynda júrgiziledi. Prezıdentke jumys berýshi, ol saılaýshy, demek halyq. Biraq, Elbasynyń tikeleı basshysy joq, sebebi ol memlekettegi eń joǵary laýazym ıesi. Ekeýdiń bireýiniń ustanymynyń ózgermesine kim kepil? Konstıtýtsııada barlyq máseleler rettelýi tıis» - dep jazdy Talǵat Qalıev óziniń Feısbýk paraqshasynda.
Eske salsaq, ústimizdegi jyldyń 4 aqpanda Respýblıkanyń Konstıtýtsııalyq Keńesi Qazaqstan Respýblıkasynyń Prezıdenti N.Á. Nazarbaevtyń Qazaqstan Respýblıkasy Konstıtýtsııasynyń 42-babynyń 3-tarmaǵyna resmı túsindirme berý týraly ótinishin konstıtýtsııalyq is júrgizýge qabyldady.
Kelesi kúni Elbasy Konstıtýtsııalyq Keńeske júginý sebebin túsindirip berdi.