Elbasynyń qatysýymen AEF-tiń plenarlyq otyrysy bastaldy
Plenarlyq otyrys Elbasy Nursultan Nazarbaevtyń qatysýymen ótip jatyr. Sonymen qatar forýmǵa Uly Lıýksembýrg Gertsogtiginiń Premer-Mınıstri Ksave Bettel, BUU Damý baǵdarlamasynyń ákimshisi Helen Klark, «JPMorgan Chase International» korporatsııasy tóraǵasy Djeıkob Frenkel, HVQ bas ekonomısi (2001-2003 jyldary), Garvard ýnıversıtetiniń professory Kennet Rogoff qatysýda. 21 mamyr kúni bastalǵan VIII Astana ekonomıkalyq forýmyna shamamen 90 elden delegat keldi. Olardyń qatarynda 200-ge jýyq vıp-spıker, máselen, eks-premer-mınıstrler, parlament músheleri, qarjy ınstıtýttarynyń ókilderi, Nobel syılyǵynyń ıegerleri, halyqaralyq uıymdar basshylary jáne belgili ǵalymdar bar. Forým aıasynda 21-22 mamyrda otyzǵa jýyq sessııa ótedi. Olardyń barlyǵy ekonomıkadaǵy áleýeti zor salalardyń biri - ınfraqurylymdy damytý taqyrybyna arnalýda. Aıta keteıik, forýmdy uıymdastyrýǵa BUU, EQYU, BUU DB, Dúnıejúzilik bank sııaqty irgeli uıymdar atsalysyp otyr.