Elbasynyń ıslamdyq qarjylandyrý salasyndaǵy joǵary marapaty halqynyń aldynda sińirgen eńbeginiń baǵasy - V. Kosarev
Búgin Parlament Májilisiniń jalpy otyrysynda bıýdjetti talqylaý barysynda sóz sóılegen depýtat Vladıslav Kosarev osylaı málim etti.
«Qazaqstan jan-jaqty damyp keledi. Bizde temirjol kóligi salasy de qardyndy damýda: 1,5 jyl ishinde 1700 shaqyrym temirjol salý degenniń ózi úlken jetistik. Qazir biz Iranǵa teńizben de temirjolmen de bara alatyn deńgeıge qol jetkizdik. Bul úlken asý. Eń bastysy, Qazaqstan óz jolymen baryp jatqan jerlerdiń barlyǵynda máseleler tıimdi, ońaı sheshilip jatyr», - degen depýtat bunyń barlyǵynyń bastaýynda Elbasy aıqyndaǵan saıasat jatqanyn atap ótti.
«Biz óz dańǵylymyzdy salyp, sonymen júrip jatqanymyzǵa biraz boldy. Bizdiń óz jolymyz bar, al ol jol Elbasynyń Joldaýymen aıqyndaldy. 2050 jylǵy Qazaqstan týraly aıtqanda Prezıdent osynyń bári azamattarymyz úshin jasalatynyn eskertken bolatyn. Jalpy Prezıdent Nursultan Ábishulynyń eren eńbegin biz ǵana emes, álem moıyndap jatyr. Keshe Prezıdent «Islamdyq qarjy boıynsha jahandyq kóshbasshy» syılyǵymen marapattaldy, bul da Memleket basshysynyń halqymyz úshin jasaǵan eńbeginiń baǵasy dep bilemin», - dedi V. Kosarev.
Eske sala keteıik, 10-shy Dúnıejúzilik ıslam ekonomıkalyq forýmynyń aıasynda Qazaqstan Prezıdenti Nursultan Nazarbaev «Global Islamic Finance Awards» (GIFA) uıymynyń «Islamdyq qarjy boıynsha jahandyq kóshbasshy» syılyǵymen marapattalǵan bolatyn. Syılyq ıslam qarjy naryǵyn óńirlik jáne halyqaralyq deńgeıde damytý men ilgeriletýde jetken zor tabystary úshin beriledi.