Elbasynyń esimi Almatynyń kóshesine əbden laıyq- Bıbigúl Tólegenova

ALMATY. QazAqparat - QR jáne Qazaq KSRO halyq ártisi Bıbigúl Tólegenova Fýrmanov kóshesin Nazarbaev dańǵyly dep ózgertilýine qatysty pikir bildirdi, dep habarlaıdy QazAqparat tilshisi.

Óner ıesiniń sózinshe, mundaı  ózgeriske almatylyqtar tez úırenip ketedi.

«Elbasy óz eliniń damýyna az eńbek sińirdi me? Meniń oıymsha, ol kisi kóshege esimin berýge ábden laıyq tulǵa. Tek qana Semeı polıgonyn jabýǵa sińirgen eńbeginiń ózi nege turady. Men oılaımyn, adamdy tirisinde baǵalaýymyz kerek. Bul durys sheshim boldy.  Almatynyń kósheleriniń birine Nursultan Nazarbaevtyń aty berilýi zańdy qubylys dep oılaımyn», - dedi ánshi.

Óner ıesi mundaı ózgeriske almatylyqtar tez úırenip ketpek.

«Biz táýelsiz elmiz. Eldegi barlyq nysandar bizdiń tarıhymyzdan habar berýi tıis. Adamdar Lenın kóshesiniń Dostyq ataýyna, Mır kóshesiniń Jeltoqsan ataýyna úırenip ketti ǵoı. Kóshelerge óz zamanynyń tulǵalarynyń atyn berý óte durys», - dedi ol.

Aıta keteıik, búgin VI shaqyrylymdaǵy Almaty qalalyq máslıhatynyń sessııasynda QR Úkimeti janyndaǵy Respýblıkalyq  jáne qalalyq onomastıka komıssııalary turǵyndar tarapynan túsken ótinishterdi eskere otyryp, Almatydaǵy Fýrmanov kóshesine Memleket basshysy Nursultan Nazarbaevtyń atyn berý týraly sheshim qabyldady.