Elbasynyń dala órkenıeti týraly sóılegen sózderi túrik tilinde kitap bolyp shyqty
Qazaqstan Respýblıkasynyń Tuńǵysh Prezıdenti – Elbasy kitaphanasynyń baspasóz qyzmetiniń málimetinshe, sharany Elbasy kitaphanasy QR Syrtqy ister mınıstrligi jáne Túrki mádenıetiniń halyqaralyq uıymymen (TÚRKSOI) birlesip, Qazaqstan Respýblıkasynyń Tuńǵysh Prezıdenti – Elbasy Keńsesiniń qoldaýymen Tuńǵysh Prezıdent kúnine oraılastyryp ótkizdi.
Basylymda QR Tuńǵysh Prezıdenti – Elbasy N.Á. Nazarbaevtyń tarıh, túrki álemi jáne dala órkenıetiniń negizgi baǵyttaryn qozǵaıtyn mańyzdy baıandamalary men sóılegen sózderi berilgen. Kitap dala órkenıetiniń tarıhı jáne rýhanı muralaryn jańǵyrtýdyń, túrki memleketteriniń ıntegratsııasyn damytýdyń zamanaýı úrdisterin qamtıtyn mańyzǵa ıe.
«Bul kitap – Qazaqstannyń mádenı-tarıhı damýy, Uly Dala oıshylardarynyń muralary, túrki álemin ıntegratsııalaý ıdeıasynyń qysqasha mazmuny, sondaı-aq Qazaqstan Respýblıkasynyń Tuńǵysh Prezıdenti jarııalaǵan qazirgi qoǵam men memlekettiń rýhanı-saıası damýynyń ózekti máseleleri týraly zertteýlerden turady. Elbasy úsh qurlyq – Azııa, Eýropa jáne Afrıka aýmaǵyna taralǵan, halqy 300 mıllıon adamdy quraıtyn úlken keńistik – Túrki álemin saqtaý, damytý jáne ıntegratsııalaý máselesine erekshe mán berip keledi», - dep is-sharany ashqan Tuńǵysh Prezıdenti – Elbasy kitaphanasynyń basshysy Ámirhan Rahymjanov Qazaqstannyń Tuńǵysh Prezıdenti túrki eýrazııashylyǵynyń basty ıdeologtarynyń biri ekenin basa aıtty.
«Elbasy sonaý táýelsizdik jyldarynyń bas kezeńinen bastap-aq, baýyrlas túrkitildes halyqtardyń mádenı baılanystaryna basymdyq berdi. Sonyń arqasynda túrki halyqtary arasyndaǵy alǵashqy halyqaralyq uıym – TÚRKSOI uıymy 1993 jyly, keıinnen Nursultan Nazarbaevtyń tikeleı bastamasymen túrkitildes elderdiń ıntegratsııalyq uıymdary – TúrkPA,Túrik Keńesi, Túrki Akademııasy quryldy», - dedi TÚRKSOI Bas hatshysy Dúısen Qaseıinov.
QR Tuńǵysh Prezıdentiniń keńesshisi – QR Tuńǵysh Prezıdenti – Elbasy kitaphanasy Keńsesiniń aqparattyq-taldamalyq qamtamasyz etý bóliminiń meńgerýshisi Ádil Tursynov Qazaqstan Respýblıkasy Tuńǵysh Prezıdenti – Elbasy Keńsesiniń basshysy Mahmud Qasymbekovtiń úndeýin oqyp berdi: «Elbasynyń bul kitaby – óziniń mazmuny men taqyryby jaǵynan óte aýqymdy ári biregeı basylym. Jınaqqa Qazaqstannyń memlekettik táýelsizdiginiń negizin qalaýshy, kórnekti saıasatker Nursultan Nazarbaevtyń irgeli maqalalary men resmı sóılegen sózderi, sonyń ishinde Túrki keńesindegi mańyzdy baıandamalary engizilgen. Olar Eýrazııa aımaǵyn mekendegen kóshpeli halyqtardyń tarıhı damý erekshelikteri men kezeńderin, jalpy adamzat damýyndaǵy túrki órkenıetiniń rólin, Uly dalanyń ulaǵatty urpaqtarynyń shyǵarmashylyq, qoǵamdyq-saıası murasyn qamtıdy. Ásirese Tuńǵysh Prezıdent Nursultan Ábishuly Nazarbaevtyń túrki halyqtarynyń rýhanı murasyn, mádenıetin, tili men dástúrin jańǵyrtýdaǵy, qalpyna keltirýdegi strategııalyq mańyzy bar bastamalaryn erekshe atap ótý kerek. ... Konferentsııaǵa qatysýshylardyń baıandamalary Elbasy Nursultan Ábishuly Nazarbaevtyń ıntegratsııalyq kózqarastary men bastamalarynyń gýmanıtarlyq jáne tarıhı áleýetin aıqyn ári tereń tanytýǵa múmkindik beredi dep senemin».
«Elbasy osy qundy eńbeginde mádenıetimizdiń barsha túrki álemine, ótkeni, búgini men bolashaǵyna, álemdik órkenıetke qosqan úlesi týraly baıandaıdy. Túrki áleminiń azamaty retinde kókirek kózimizdi ashqan osynaý qundy eńbekti bergen Nursultan Nazarbaevqa rızashylyǵymdy bildirgim keledi jáne oǵan zor densaýlyq pen baq-bereke tileımin», - dedi Túrkııa Respýblıkasy Prezıdentiniń Keńesshisi ıAlchyn Topchý.
«Túrki álemi Ortalyq Azııa jáne Eýrazııamen birge adamzattyń álemdik tarıhı-mádenı murasynda jetekshi oryndardyń birine ıe, dál osy keńistik megarýhanı ortalyq, ári adamzattyń órkenıettik faktory bolyp sanalady. Órkenıettiń damýyna túrkilerdiń qosqan úlesi orasan zor jáne basym mán berip, tereń zertteýge laıyq. Elbasy N.Á. Nazarbaevtyń «Uly Dala murasy» kitabynda túrki órkenıeti men túrkilerdiń jahandyq mádenıettegi róli men tarıhy jarqyn jazylǵan. ... Elbasynyń atalǵan eńbeginiń negizgi úndeýi – Uly Dalanyń álem tarıhyndaǵy róline jańasha kózqaras», - degen Túrki keńesi bas hatshysynyń orynbasary, Qyrǵyzstan Respýblıkasy premer-mınıstriniń keńesshisi Sultan Raev N.Á. Nazarbaev túrki áleminiń rýhanı ákeleriniń biri ekenin atap ótti.
Ázerbaıjan Ulttyq ǵylym akademııasynyń akademıgi, Ázerbaıjan Parlamentiniń depýtaty Nızamı Djafarovtyń aıtýynsha, «Uly Dala murasy» kitaby avtordyń uly tarıhı qyzmetin (jáne tulǵalyǵyn) túsiný jáne qazaq halqynyń rýhyna tereń úńilip, jańasha qaraý bolyp sanalady.
«Uly Dala murasyn» tek Qazaqstanda, ıá túrki elderinde ǵana emes, búkil álemde oqytyp, taldaıtynyna senimdimin. Bul týyndy sarqylmas rýhanı qazyna retinde tarıhı qundylyǵyn eshqashan joǵaltpaıdy. Nursultan Nazarbaev óz kitabynda tek qazaqtardyń ǵana emes, jalpy túrki halyqtarynyń – túrki áleminiń ótkeni, búgini men bolashaǵy týraly aıtady», - dep atap ótti ol.
Konferentsııa barysynda sondaı-aq QR Mádenıet jáne sport mınıstri A.Raıymqulova, QR Syrtqy ister mınıstriniń birinshi orynbasary Sh.Nuryshev, Halyqaralyq Túrki akademııasynyń prezıdenti D.Qydyráli, Ankara ýnıversıtetiniń rektory, professor N.Ýnývar, Gazı ýnıversıtetiniń rektory, professor M.Iyldyz, L.N.Gýmılev atyndaǵy Eýrazııa ulttyq ýnıversıtetiniń prorektory D.Qamzabek baıandama jasady.