Elbasynyń bul jolǵy úndeýi klassıkalyq sıpattan tys boldy - mınıstr

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev Elbasy Nursultan Nazarbaevtyń «Birlese bilgen el bárin jeńedi» atty maqalasyna qatysty pikir bildirdi, dep habarlaıdy QazAqparat tilshisi.

«Elbasynyń bul jolǵy úndeýi klassıkalyq sıpattan tys boldy. Onyń baǵdarlamalyq qyry bolǵan joq. Saıası nemese ekonomıkalyq turǵyda eshqandaı málimdeme jasaǵan joq. Bul – qazaqstandyqtardyń júregine jetkize aıtylǵan úndeý. Men ol maqaladan jahan aldyndaǵy jańa qaýipterdiń aldynda ult birligine shaqyrǵan emotsııalyq saryndy baıqadym. Bul otyz jyl boıy ıyqtasa táýelsiz memleketti birge qurǵan, óz halqy úshin ýaıym jegen adamnyń úndeýi», - dedi Dáýren Abaev «Ashyq dıalog» baǵdarlamasynda.

Mınıstrdiń aıtýynsha, Elbasy osy qıyndyqtardyń bárin jeńýde qazaqstandyqtardyń basty qundylyqtaryn atap bergen.

«Ol – birlik, yntymaq», - dedi Dáýren Abaev.