Elbasynyń atyna jastardan QHA-nyń XIX sessııasynda sóılegen sózine baılanysty kóptegen hattar kelip túsýde
dep habarlaıdyń QR Prezıdentiniń baspasóz qyzmeti.
Hat avtorlary jastar máselesin sheshýge memleket tarapynan udaıy kóńil bólinetinin atap ótken.
«Biz Sizdiń qazaqstandyqtardyń jas urpaǵyn qoldaý úshin barlyq qajetti jaǵdaı jasaýǵa kúsh salyp otyrǵanyńyzǵa kýámiz. Úkimetke memlekettik jastar saıasatynyń 2020 jylǵa deıingi tujyrymdamasynyń jobasyn ázirleý týraly tapsyrma bergenińizdi zor qýanysh sezimmen qabyldadyq. Jastar úshin áleýmettik qoldaýlar kórsetý týraly bastamanyń mańyzy zor», - dep jazady «Jas Otan» jastar qanatynyń Astana qalalyq fılıalynyń músheleri.
Qazaqstan Jastary kongresiniń ókilderi Memleket basshysynyń usynysyna qoldaý kórsetip, respýblıkany órkendetý jolyndaǵy barlyq jańarýlarǵa belsene qatysýǵa daıyn ekendikterin bildirgen.
«Búgingi Qazaqstan - orasan múmkindikteri bar baıtaq el. Qazirgi kúni álemde bolyp jatqan alasapyran ózgeristerge qaramastan, biz bolashaqqa senimmen qaraımyz. Bizdiń Otanymyz ótken jıyrma jyldyń ishinde zor jetistikterge jetti. Qazaqstannyń Údemeli ındýstrııalyq-ınnovatsııalyq damýy jónindegi memlekettik baǵdarlamasyn iske asyrý - bizdiń óńir úshin asa mańyzdy mindet. Memleket damýynyń bul jańa kezeńi bizge daǵdarystan keıingi kezeńde kóshbasshylyq pozıtsııa ustanýǵa múmkindik beredi», - dep atap ótilgen Pavlodar oblystyq jastar atynan joldanǵan hatta.
Petropavl qalasy men Soltústik Qazaqstan oblysynyń jastary turaqtylyq, birlik jáne jańǵyrý Qazaqstan halqyAssambleıasynyń XIX sessııasynda aıtylǵan qazaqstandyq qoǵamnyń negizgi qundylyqtary ekenin atap kórsetken.
«Memleketik qoldaý jas otbasylar, bilim alyp, eńbek etetin jastar úshin zor yntalandyrý bolyp tabylatyny sózsiz. Memleket basshysy ındýstrııalyq-ınnovatsııalyq damý baǵdarlamasyn, turǵyn úı qurylysyn, bilim berýdi jedel júzege asyrý jóninde mindetter qoıdy. Osy jyldar elimiz úshin jáne bir shańyraqtyń astyna jıylǵan ártúrli ult ókilderi úshin jemisti boldy», - dep jazady Aqtóbe oblysynyń Muǵaljar aýdanynyń jastary atynan hat joldaǵan Q.Satybaldın.
Jalpy, hat avtorlary álemniń eshbir elinde dál Qazaqstandaǵydaı jastarǵa erekshe kóńil bólinbeıtinin atap ótken. Qazaqstan jastary Memleket basshysynyń alǵa qoıǵan josparlaryn iske asyrýyna, elimizdiń órkendeýi men ıgilikke jetýine tilektestik bildiredi.