Elbasynyń atyna Túrkııa Prezıdentinen jedelhat kelip tústi

NUR-SULTAN. QazAqparat –Nursultan Nazarbaevtyń atyna Túrkııa Respýblıkasynyń Prezıdenti Rejep Taııp Erdoǵannan jedelhat kelip tústi. Bul týraly QazAqparat elbasy.kz saıtyna silteme jasap habarlaıdy.

Rejep Taııp Erdoǵan Qazaqstannyń Tuńǵysh Prezıdentine tezirek saýyǵyp ketýine tilektestik bildirdi.

«Syrqattanyp qalǵanyńyzdy ókinishpen estidim. Alladan shıpa berýin tileımin. Únemi jeńispen eńsergen kúresterdegi syndy bul synaqty da jigerińizben artqa tastaıtynyńyzǵa kámil senemin.

Qandaı da bir qajettilik týyndaǵan jaǵdaıda qolymyzdaǵy barlyq múmkindigimizben janyńyzda ekenimizdi jetkizgim keledi.

Sizge degen tereń qurmet pen súıispenshilik sezimimen jeke ózim jáne barsha túrik halqy atynan tezirek saýyǵyp ketýińizdi shyn júrekten tileımin», - delingen jedelhatta.