Elbasynyń ASEM sammıtine qatysqan sáti beınelengen vıdeo jarııalandy
Esterińizge sala ketsek, Memleket basshysy Brıýsselde «Azııa-Eýropa» (ASEM) forýmynyń 12-shi sammıtine qatysty.
Sammıt aıasynda Nursultan Nazarbaev Frantsııa Respýblıkasynyń Prezıdenti Emmanıýel Makronmen, Belgııa Koroli Fılıppen, Halyqaralyq saýda ortalyqtary qaýymdastyǵy (WTCA) basqarma tóraǵasynyń orynbasary Rolf Draakpen jáne «Nest Investments HOLDINGS» kompanııalar tobynyń korporatıvtik qyzmetter jónindegi dırektory Mehran Efteharmen, Japonııa jáne Koreıa elderiniń basshylarymen kezdesti.
Memleket basshysy sammıttiń plenarlyq otyrysynda sóılegen sózinde qaqtyǵystardyń kóbeıýi, sanktsııa jáne saýda soǵystarynyń órshýi jaǵdaıynda halyqaralyq saıasat shıelenistiń shegine jetip otyrǵanyn atap ótti.
«Biz búgingi «Azııa-Eýropa» forýmynyń sammıtin osy problemalardy sheshý úshin paıdalanýymyz qajet. Ókinishke qaraı, qazirgi kezde álem tabysty dıalog pen ózara túsinistikke qol jetkize almaı keledi. Bárimiz ótken ǵasyrdyń 60-jyldaryndaǵy Karıb daǵdarysyn eske salatyn búgingi ekonomıkalyq jáne saıası teketiresterge kýá bolyp otyrmyz», - dedi Qazaqstan Prezıdenti.
Nursultan Nazarbaev bul sammıt AQSh, Reseı, Qytaı sııaqty álemniń iri elderin, Eýropa odaǵyn halyqaralyq shıelenisterdi sheshýdiń jolyn izdeýge shaqyrýy qajet ekenin aıtty.
«Eger Sırııadaǵy, Ýkraınadaǵy jáne ózge de elderdegi problemalardy rettemesek, ahýal odan da kúrdelene túsedi. Ballıstıkalyq raketalardyń taralý qaýpi seıilmeıinshe, halyqaralyq terrorızm basty másele bolyp qala bermek», - dedi Memleket basshysy.