Elbasynyń árbir Joldaýy halqymyzdyń ómirindegi, elimizdiń ekonomıkasyndaǵy úlken kúrdeli qubylys - J.Túımebaev

STANA. Sáýirdiń 6-sy. QazAqparat /Marlan Jıembaı/ - Elbasynyń árbir Joldaýy halqymyzdyń ómirindegi, elimizdiń ekonomıkasyndaǵy úlken kúrdeli qubylys. Bul pikirdi L.Gýmılev atyndaǵy Eýrazııa ulttyq ýnıversıtetiniń stýdentterimen kezdesip, Elbasynyń bıylǵy «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Joldaýyn talqyǵa salǵan elimizdiń Bilim jáne ǵylym mınıstri Janseıit Túımebaev bildirdi.

«Memleket basshysy bul Joldaýynda elimizdiń áleýmettik ómirinde bolyp jatqan jaǵdaılarǵa oraı óz baǵasyn berip, aldymyzda qandaı jumystar atqarylady, qandaı mejelerge, tabystarǵa jetemiz degen máselelerdi qamtydy. Onyń ishinde bıylǵy Joldaýdyń ózindik ereksheligi bar. Onda álemde oryn alǵan ekonomıkalyq qarjylyq daǵdarys kezinde Qazaqstan osy qıyndyqtardan qalaı shyqty, qalaı jeńdi jáne aldymyzda qandaı joldar kútip turǵandyǵyn taldap aıtyp berdi», dedi mınıstr óz sózinde.

Joldaýdyń basym baǵyttary ekonomıkany daǵdarystan keıin damýǵa ázirleý, údemeli ındýstrııalyq ekonomıkany ornyqtyrýǵa qol jetkizý, qazaqstandyqtardy sapaly turǵyn úı jáne kommýnaldyq qyzmettermen qamtamasyz etý, ultaralyq kelisimdi, ulttyq qaýipsizdikti nyǵaıtý jáne halyqaralyq qatynastardy odan ári damytý bolǵandyǵyn atap ótken ol bilim berý salasynyń negizgi baǵyttaryna, ásirese mektepke deıingi balalardy balabaqshalarmen qamtý máselesine keńinen toqtaldy.

«2008 jyly elimizde 200 myńnan astam bala dúnıege kelgen bolsa, 2013 jyly bizde qazirgi elimizdiń demografııalyq ahýalyna oraı ázirlengen jobaǵa sáıkes 280 myńǵa jetedi. ıAǵnı qazirgi turmystyq jaǵdaıǵa baılanysty ósim artý ústinde. Sondyqtan da Memleket basshysy bıylǵy Joldaýynda mektepke deıingi tárbıe jumysymen, balabaqshamen qamtamasyz etý maqsatynda «Balapan» baǵdarlamasyn usyndy. Bundaı baǵdarlama eshqashan bolǵan emes. Qazirgi tańdaǵy bul baǵdarlamanyń negizgi mindeti 2020 jylǵa deıin bizdiń 3 pen 6 jas aralyǵyndaǵy balalarymyzdy balabaqshamen qamtamasyz etýdi 100 paıyzǵa jetkizý. Al qazirgi ýaqytta búldirshinderdiń 37,7 paıyzy ǵana balabaqshamen qamtylǵan. 2015 jyly 70 paıyzǵa, al 2020 jyly 100 paıyzǵa jetkizý arqyly biz álemdegi damyǵan aldyńǵy qatarly elderdiń sapyna kiremiz. Bul keremet úlken jumys. Al bul ne degen sóz? Balalar baqshasyndaǵy árbir jumsalǵan dollar bolashaqta 7 dollar bolyp qaıtady. ıAǵnı árbir kezeńge bólingen qarjy keıin sol azamat arqyly, onyń bilimi arqyly memleketke qaıtarylýy birneshe esege artyq bolady», dedi J.Túımebaev.