«Elbasyna maǵan kórsetken zor senimi úshin alǵysymdy bildiremin» - Kárim Másimov

ASTANA. QazAqparat - Búgin QR Prezıdenti Nursultan Nazarbaevtyń Jarlyǵymen Qazaqstan Respýblıkasy Ulttyq qaýipsizdik komıtetiniń Tóraǵasy qyzmetine taǵaıyndalǵan Kárim Másimov ózine kórsetilgen senim úshin Elbasyna alǵys aıtty.

«Elbasyna maǵan kórsetken zor senimi úshin alǵysymdy bildiremin», - dep jazdy ol Tvıtterdegi paraqshasynda.

Esterińizge sala keteıik, búgin QR Prezıdentiniń «K.Q.Másimovti Qazaqstan Respýblıkasy Ulttyq qaýipsizdik komıtetiniń Tóraǵasy qyzmetine taǵaıyndaý jáne Qazaqstan Respýblıkasynyń Úkimeti týraly» Jarlyǵy jarııalanǵan bolatyn.

«Kárim Qajymqanuly Másimov Qazaqstan Respýblıkasy Ulttyq qaýipsizdik komıtetiniń Tóraǵasy bolyp taǵaıyndalsyn, ol Qazaqstan Respýblıkasynyń Premer-Mınıstri qyzmetinen bosatylsyn. Qazaqstan Respýblıkasynyń Úkimeti Qazaqstan Respýblıkasy Úkimetiniń jańa quramy bekitilgenge deıin óz mindetterin atqaratyn bolsyn. Qazaqstan Respýblıkasy Premer-Mınıstriniń mindetterin ýaqytsha atqarý Qazaqstan Respýblıkasy Premer-Mınıstriniń birinshi orynbasary Baqytjan Ábdiruly Saǵyntaevqa júktelsin», - delingen Jarlyqta.

Sondaı-aq, buryn Ulttyq qaýipsizdik komıtetiniń Tóraǵasy qyzmetinen atqarǵan Vladımır Zeınollauly Jumaqanov Memleket basshysy Nursultan Nazarbaevtyń Ókimimen Qazaqstan Respýblıkasy Prezıdentiniń keńesshisi qyzmetine taǵaıyndaldy.