Elbasymyzdyń arqasynda memleketimizdiń kemesi 24 jylda birde-bir ret baǵytynan taıǵan emes - depýtat K. Burhanov
Bul memleket Prezıdenttiń óz qolymen, saıası, ekonomıkalyq, geosaıası jaǵy bolsyn, ıdeologııasy, fılosofııasy, damý barysy bolsyn, sol kisiniń is-qımylymen qalyptasty. Ol kisiniń ereksheligi - ol teoretık-strateg ári praktık. Onyń óz saıası fılosofııasy bar. Óz saıası fılosofııasy bar kóshbasshylar bul álemde az. Sol saıası fılosofııasynyń arqasynda, óz halqynyń bolashaq tarıhyn kóz aldynda kóre bilgendikten, álemdegi bedeldi elderdiń qataryna enip otyrmyz», - dep atap ótti ol.
Onyń aıtýynsha, táýelsizdik jyldary Qazaqstan aldyna kelgen qıynshylyqtardy Prezıdent óz jaýapkershiligine alyp, abyroımen atqaryp shyqty. Qazir de aýmaly-tókpeli zamanda aýyrtpalyq Elbasynyń eki ıyǵyna túsip otyr.
«Qıynshylyqtar óte kóp boldy. Onyń barlyǵyn Elbasymyz óziniń daryndylyǵyna, aqylyna syıdyryp, sheship kele jatyr. Sol Elbasymyzdyń danalyǵymen biz osyndaı qıyn-qystaý kezeńderden aman-esen shyǵyp jatyrmyz. Budan da biz shyǵamyz, oǵan bizde eshqandaı qorqynysh ta joq, Elbasy aman bolsyn», - dedi K. Burhanov.
«Sonymen qatar prıntsıpteri de ózgermeı jatyr. Kópvektorly saıasat, negizgi basymdyqtar áli de bolsa saqtalyp kele jatyr. Bizdiń memleketimizdiń kemesi 24 jylda bir ret bolsa da baǵytynan taıǵan emes. Týra óziniń belgilegen baǵytymen kele jatyrmyz. Qandaı daýyl bolmasyn, qandaı máseleler bolmasyn, kele jatyrmyz», - deıdi depýtaty.
«Ekinshiden, bul kisi - praktık. KSRO qulaǵan kezde elde birde-bir zań bolmady. Áleýmettik-saıası júıe de joq, sol zańdardardy shyǵaratyn. Parlament jylyna bes-alty jańa bir zań shyǵarady, ol da bir jumsaq bolatyn. Bizge aýadaı jańa zańdar kerek boldy. Bir memleket bola otyryp, kim ne isteıtinin bilmeıtin jaǵdaılar boldy. Ekonomıkalyq baılanystar úzilgen. Inflıatsııa 2500 paıyzdan asyp ketti. Muǵalimderge jalaqy joq, zeınetaqy joq, dárigerler men áskerlerge jalaqy joq, ekonomıka turalap tur. Eń qıyn-qystaý kezeń basymyzǵa túsip, memleket bolady ma, joq pa degen áńgimeler de júrdi. Sonda Elbasymyz naýryz aıynan bastap, qarasha aıyna deıin, jalǵyz ózi 147 zań kúshi bar Jarlyq qabyldady. Jańa memleketke qandaı zańdar kerek boldy, sonyń barlyǵyn halyqtyń, urpaqtyń, tarıhtyń aldynda barlyq jaýapkershilikti óz moınyna alyp, sony ózi jasap shyqty», - dep túıdi sózin K. Burhanov.