Elbasymen júzdesý baqyty buıyrdy - memlekettik qyzmetshi M. Bekturǵanov
Prezıdentpen júzdesý mártebesi jambyldyq Mustafa Bekturǵanovqa da buıyrdy, dep habarlaıdy QazAqparat tilshisi.
Mustafa Bekturǵanov Jambyl oblysyndaǵy Jýaly aýdanyna qarasty Kókbastaý aýyldyq okrýgi ákiminiń apparatynda is júrgizý jáne esep bólimshesiniń basshysy bolyp qyzmet etedi. Alǵashqy eńbek jolyn Jýaly aýdanyndaǵy jastar ortalyǵynda jastar isiniń nusqaýshysy bolyp bastaǵan. Jigerli jigit búginde memlekettik qyzmetshiniń qyzmettik satysymen kóterilip keledi. 26 jastaǵy jas maman Jambyl oblysynda 2015 jyly «Úzdik memlekettik qyzmetshi» baıqaýynyń ekinshi oryn ıegeri atanǵan. Bir bala tárbıelep otyrǵan jas otbasy ekinshi sábıleriniń dúnıege kelýin kútip otyr. Eńbekqor azamat Qazaqstannyń Tuńǵysh Prezıdenti Nursultan Nazarbaevpen kezdesý múmkindigine ıe bolǵanyn zor qurmetpen baǵalap, erekshe áser alǵanyn jasyrmady.
«Elbasymen júzdesý bala kúnnen bergi armanym edi. Búgin sol armanym oryndaldy. Óte baqyttymyn. Prezıdentke ózimniń qyzmetim jaıynda aıtyp, aýylymyzda memlekettik baǵdarlamalardyń qalaı júzege asyp jatqany jaıly habardar ettim. Nursultan Nazarbaev elimiz, halqymyz úshin aıanbaı eńbek etýdi erekshe tapsyrdy. Aqylyn aıtty. Alǵan áserimdi sózben aıtyp jetkize almaımyn», deıdi Mustafa Bekturǵanov.
Táýelsiz Qazaqstannyń qurdasy Mustafa budan da bıik belesterdi baǵyndyrýdy kózdep otyr. Oǵan bilimi de, kúsh- jigeri de jetedi. Eń bastysy jastarǵa jol ashyq. Memlekettik qyzmetkerlerdiń eline, jerine, halqyna aıanbaı eńbek etýine barlyq jaǵdaı jasalyp otyr, deıdi úzdik memlekettik qyzmetshi Mustafa Bekturǵanov.