Elbasy Joldaýyn Eýrazııa ulttyq ýnıversıtetiniń ujymy onlaın tyńdady

ASTANA. QazAqparat - Qazaqstan Respýblıkasynyń Tuńǵysh Prezıdenti N.Á.Nazarbaevtyń Qazaqstan halqyna arnaǵan kezekti Joldaýyn L.N.Gýmılev atyndaǵy Eýrazııa ulttyq ýnıversıtetiniń ujymy onlaın túrde tyńdady, dep habarlaıdy QazAqparat tilshisi. 

Búgin ulttyq ýnıversıtettiń 500-den astam oqytýshysy, ǵalymdary, qyzmetkerleri men stýdentteri Qazaqstan Respýblıkasy Tuńǵysh Prezıdenti zalyna jınaldy.

Joldaý elimizdiń áleýmettik-ekonomıkalyq damýynyń ózekti máselelerine arnalǵan. 

Elbasynyń dástúrli Joldaýynan keıin EUÝ ǵalymdary sóz alyp, tarıhı mańyzdy qujattyń basym baǵyttary týraly aıtyp ótti.

«Ózderińizdeı biletindeı, Elbasy Joldaýy kóbine aldymen áleýmettik máselelerge arnalady. Bul jolǵy Joldaýdyń da basty ereksheligi onyń qalyń kópshilikti tolǵandyryp otyrǵan ózekti máselelerge arnalǵandyǵynda. Endigi kezekte ár sala jáne quzyrly organdar berilgen naqty tapsyrmalardy tııanaqty atqarýlary kerek», - dedi L.Gýmılev atyndaǵy EUÝ-niń menedjment kafedrasynyń meńgerýshisi, ekonomıka ǵylymdarynyń doktory, professor Baýyrjan Tolysbaev.

Ýnıversıtet ókilderi professor-oqytýshy retinde joǵary bilim berý júıesiniń sapasyna qoıylatyn talaptarǵa erekshe nazar aýdardy.

Oqytýshylardyń aıtýynsha, jahandyq básekege qabilettilikti arttyrý úrdisin eskere otyryp, ýnıversıtettiń túlekteriniń bilim sapasyn arttyrý qajet.