Elbasy Joldaýy kásipodaqtar tarapynan qoldaý tapty

TÚRKІSTAN. QazAqparat - Túrkistan oblysy men Shymkent qalasynyń kásipodaq uıymdarynyń músheleri Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynyń basymdyqty baǵyttaryn talqylady, dep habarlaıdy QazAqparat tilshisi.

Túrkistan oblysy kásipodaqtarynyń tóraǵasy Berik Bekjanov Joldaýdyń mańyzdy tustaryna toqtalyp, álemniń damyǵan 30 memleketiniń qataryna ený jolyndaǵy mindetter júktelgenin atap ótti.

«Joldaýda eńbek adamynyń múddesi qorǵalyp, jumysshylardyń turmys deńgeıin jaqsartý negizge alynǵan. Eń tómengi jalaqy kóleminiń ulǵaıýy, bıýdjettik mekeme qyzmetkerleriniń jalaqysynyń ósýi jurtshylyqty qýantyp jatyr. Kásipodaqtar da Prezıdentimizdiń bastamalary men ıdeıalaryn qoldaıdy jáne Joldaýdaǵy mindetterdi oryndaýǵa úles qosady», - dedi Berik Bekjanov.

Basqosýda sonymen qatar oblystyq kásipodaqtar tóraǵasynyń orynbasary Serik Áýeshanov baıandama jasap, sala ardagerleri óz oılaryn ortaǵa saldy.

Jıyn qorytyndysymen aldaǵy ýaqytta Joldaýdaǵy basymdyqty baǵyttar árbir bastaýysh kásipodaq uıymdarynda, kásiporyndar men eńbek ujymdarynda nasıhattalady. Ony júzege asyrý baǵytyndaǵy jumystar da qolǵa alynatyn bolyp kelisildi.