Elbasy Jibek jolynyń Qazaqstanǵa tıimdiligin atady

NЬıÝ-IORK. QazAqparat -AQSh-qa resmı saparynyń qorytyndysyna oraı qazaqstandyq jáne sheteldik BAQ ókilderine suhbat bergen QR Prezıdenti Nursultan Nazarbaev «Bir beldeý, bir jol» jobasynyń elimizge tıimdiligin aıtty, dep habarlaıdy QazAqparat.

«Trampqa Astanadaǵy bizdiń ýnıversıtette QHR Tóraǵasy Sı Tszınpın Jibek joly ekonomıkalyq beldeýin jarııa etkendigin aıtyp berdim. Oǵan 600 mlrd, al Azııalyq ınfraquyrylmdyq ınvestıtsııalar banki 100 mlrd dollar baǵyttalady. Bul jolǵa 67 memleket qatysady, onyń ishinde Qazaqstan da bar. Biz Qytaıdan Qazaqstan arqyly álemniń barlyq qıyryna Reseı men Eýropaǵa, Kaspıı teńizi men Parsy shyǵanaǵyna jine Tynyq muhıtyna deıin  baratyn 2 temir jol jáne avtomobıl jolyn saldyq», - dedi Elbasy.

Osy rette Qazaqstan Prezıdenti qytaıdyń shyǵysyndaǵy Lıanıýngan portynan Qazaqstan arqyly shamamen 2 mln tonna konteıner júk tasymaldanatyndyǵyna senim artatyndyǵyn basa aıtty.

«Biz odan shamamen 5 mlrd teńge paıda tabatyn bolamyz. ıAǵnı, ınfraqurylymdyq damýǵa jumsaǵan aqshamyzdy qaıtaramyz», - dedi Nursultan Nazarbaev.