Elbasy Jer qoınaýy týraly jańa kodeksti jyl sońyna deıin qabyldaýdy tapsyrdy
08:42, 31 Qańtar 2017
ASTANA. QazAqparat - El halqyna arnaǵan «Qazaqstannyń úshinshi jańǵyrýy: jahandyq básekege qabilettilik» taqyrybyndaǵy joldaýynda Prezıdent Nursultan Nazarbaev 2017 jyldyń sońyna deıin Jer qoınaýy týraly jańa kodeksti qabyldaýdy tapsyrdy.
«Ekonomıkalyq ósimniń turaqtylyǵy úshin eldiń taý-ken metallýrgııasy men munaı-gaz keshenderi óziniń strategııalyq mańyzyn saqtaýǵa tıis.
Álemdik suranys báseńdep ketken kezde jańa naryqtarǵa shyǵyp, ónim jetkizý aýmaǵyn keńeıtý kerek. Mıneraldyq-shıkizattyq bazany keńeıtýge basa nazar aýdarylýǵa tıis. Geologııalyq barlaý jumystaryn belsendi júrgizý kerek», dep atap ótti Memleket basshysy.
Nursultan Nazarbaev bul salalardy odan ári damytý isi shıkizatty keshendi túrde qaıta óńdeýdi tereńdete túsýmen berik ushtastyrylýy tıistigine toqtaldy.
«Jyl sońyna deıin Jer qoınaýy týraly jańa kodeksti qabyldap, salyq zańnamalaryna qajetti ózgerister engizýdi tapsyramyn», - dedi Elbasy.