Elbasy Jeksenbek Erkimbekovtiń qaıtys bolýyna baılanysty kóńil aıtty

ASTANA. QazAqparat - Elbasy Nursultan Nazarbaev Jeksenbek Erkimbekovtiń qaıtys bolýyna baılanysty týǵan-týysqandary men jaqyndaryna kóńil aıtý jedelhatyn joldady.

Bul týraly Aqordanyń baspasóz qyzmeti habarlaıdy.

Qazaqstan Prezıdenti kórnekti memleket qaıratkeri Jeksenbek Erkimbekovtiń týǵan-týysqandary men jaqyndaryna kóńil aıtty.

«Jeksenbek Erkimbekov belgili mýzykant jáne mádenıet pen óner salasynyń talantty uıymdastyrýshysy edi. Ol on jyldan astam elimizdiń Mádenıet mınıstrligin basqaryp, ulttyq mádenıetimiz ben ónerimizdiń damýyna zor úles qosty», - delingen jedelhatta.

Nursultan Nazarbaev Jeksenbek Erkimbekovtiń eńbegi men jarqyn beınesi qazaqstandyqtardyń júreginde árdaıym saqtalatynyna senim bildirdi.