Elbasy jas ǵalymdardy jańa energııa kózderin izdeýmen áýestenýge shaqyrdy
15:15, 29 Qarasha 2013
ASTANA. 29 qarasha. QazAqparat - Jas ǵalymdar jańa energııa kózderin izdeýmen áýestenýi qajet. Bul týraly búgin «Bolashaq» halyqaralyq stıpendııasynyń 20 jyldyǵyna arnalǵan forýmda Elbasy Nursultan Nazarbaev aıtty.
Memleket basshysy taıaý onjyldyqtyń ishinde kómirsýtekter men beıbit atomǵa basymdyq berý qala beretindigin, sonymen qatar mamandardyń baǵalaýynsha, áli de keminde 5 jyl kómirsýtek dáýiri júretindigin basa aıtty.
«Degenmen, munyń barlyǵy da bizder úshin belgili energııa túrleri. Biraq bizderge kókjıekke kóz salý qajet. Muny sizder istemegende basqa kim jasaıdy? Bular basqarylatyn termoıadrolyq sıntezder. Sýtektik energetıka, onyń tıimdiligi bizderge belgili energııa kózderinen 40 paıyzǵa artyq», - dedi Elbasy.
Sonymen qatar jańa energııa kózderi qatarynda jasandy fotosıntezdi, shoǵyrlandyrylǵan kún energııasyn atap óte kele Memleket basshysy: «Jas ǵalymdar, energetıkter osyndaı perspektıvalarmen áýestenýi tıis», - dedi.