Elbasy Japonııaǵa ıadrolyq synaqtardan zardap shekken aýmaqtyń halqyna kómek kórsetkeni úshin alǵys aıtty

ASTANA. QazAqparat - Elbasy Japonııaǵa ıadrolyq synaqtardan zardap shekken aýdandardyń halqyna kómek kórsetkeni úshin alǵys aıtty. Bul týraly búgin Qazaqstan Prezıdenti Nursultan Nazarbaev Aqordada Japonııa Premer-mınıstri Sındzo Abemen ekijaqty kelissózderden keıin málim etti.

Memleket basshysy eki el kóshbasshylarynyń árbir kezdesýi memleketter arasyndaǵy dıalogty aıqyn kórsetip otyrǵanyn atap ótti.

«Qazaqstanda Japonııa tarapynyń, ásirese Semeı polıgonynda ıadrolyq synaqtardan zardap shekken aýdandardyń halqyna kómegin joǵary baǵalaıdy. Biz sizderdiń kómekterińizge alǵysymyzdy aıtamyz»,-dedi N. Nazarbaev.

Osy oraıda Elbasy Japonııa Qazaqstannyń damýyna resmı kómek jelisi boıynsha 1,2 mlrd. dollar bólgenin eske salyp ótti.

«Biz budan ary qaraı da ózara is-qımyldardy tereńdetýge nıettimiz jáne qyzyǵýshylyq tanytyp otyrmyz. Atap aıtqanda saýda-ekonomıkalyq yntymaqtastyq ekijaqty qatynastardyń lokomotıvi bolyp tabylady. Qazaqstan - Japonııanyń Ortalyq Azııadaǵy orasan zor saýda-ekonomıkalyq seriktesi»,-dep qosty Memleket basshysy.