Elbasy: ıAdrolyq bestik pen basqa álem elderi arasyndaǵy teńgerimsizdikti qysqartý qajet

ASTANA. QazAqparat - ıAdrolyq bestik pen basqa álem elderi arasyndaǵy teńgerimsizdikti qysqartý qajet. Bul týraly búgin Qazaqstan aýmaǵynda qurylǵan Halyqaralyq tómen baıytylǵan ýran bankiniń resmı ashý saltanatynda Elbasy Nursultan Nazarbaev aıtty, dep habarlaıdy QazAqparat. 

«Bizdiń barlyǵymyzdy da ıadrolyq qaýipsizdik jónindegi jahandyq ahýal alańdatady. Bul turǵyda qazaqstandyq kelesi ıdeıalardy usynǵym keledi. Birinshiden, biz ıadrolyq qarýdy taratpaý týraly shart ózine artylǵan senimdi aqtamaıtyndyǵyn birneshe márte kórsettik. Ony buzýshylarǵa qarsy naqty qadamdar joq. Atap aıtqanda, ıadrolyq klýb elderi erikti túrde ıadrolyq baǵdarlamalar týraly ózderiniń málimetterin ashpaıdy. Al qalǵandaryna ıadrolyq qarýǵa ıe bolý, synaý jáne taratýǵa tyıym salady. Basqa elderden túpkilikti aqparattar talap etiledi», dedi Memleket basshysy.

Osy rette Qazaqstan Prezıdenti ıadrolyq bestik pen qalǵan álem arasyndaǵy mundaı teńgerimsizdikti qysqartý qajettigin basa aıtty.

«2020 jyly álemdik qoǵamdastyq ıAdrolyq qarýdy taratpaý týraly sharttyń kúshine engeniniń elý jyldyǵyn atap ótetin bolady. Dál osy ýaqytta qarýǵa tolyq tyıym salý shartynyń kúshine enýine barlyq kúsh-jigerimizdi jumsaıyq»,- dedi Nursultan Nazarbaev.