Elbasy Ulttyq jańǵyrý komıssııasyn qurýdy usyndy
«Álemdik tájirıbe kórsetkenindeı, qýatty memleket qalyptastyryp, lıberaldy damyǵan qoǵam qurý úshin eldiń 40-50 jyldy qamtıtyn turaqty alǵa jyljýy qajet. Biz de soǵan bara jatyrmyz. Men usynǵan sharalar Qazaqstandaǵy qoǵamdyq qatynastar júıesin túbegeıli ózgertedi. Osyny júzege asyrý úshin men QR Prezıdenti janyndaǵy Ulttyq jańǵyrý komıssııasyn qurýdy usynamyn», - dedi Memleket basshysy.
Elbasynyń sózine qaraǵanda, atalǵan komıssııaǵa qoǵamdaǵy kásibı azamattardy tartý kerek.
«Buǵan sheneýnikti de, mınıstrlerdi de, basqalardy da tyqpalaýdyń qajeti shamaly. Men búgin usynǵandardyń árbir babyn ómirge engizýdi qalaıtyn azamattar qoǵamda jetkilikti. Árıne, mınıstrler de, ákimder de jaman dep otyrǵan joqpyn. Degenmen, qoǵamnan ókilderdiń kóbirek bolǵany jón. Komıssııaǵa qarasty 5 top reformalardyń keshenin túgel qamtý úshin jumys jasaıdy, men ózim tikeleı qadaǵalap otyramyn», - dedi N.Nazarbaev.