Elbasy Úkimetke ındýstrııalandyrý baǵdarlamasyna qatysatyn sheteldik ınvestorlarmen kelisilgen jobalardyń tizimin jasaýdy tapsyrdy

A. Jeltoqsannyń 4-i. QazAqparat /Ernur Aqanbaı/ - Elbasy Nursultan Nazarbaev Úkimetke Qazaqstannyń údetilgen ındýstrııalyq-ınnovatsııalyq baǵdarlamasyna qatysatyn sheteldik ınvestorlarmen kelisilgen jobalardyń tizimin jasaýdy tapsyrdy. Prezıdent bul tapsyrmany búgin Astanada ótip jatqan QR Prezıdenti janyndaǵy sheteldik ınvestorlar keńesiniń HHІІ plenarlyq  májilisinde berdi,

dep habarlaıdy QazAqparat.

«Údetilgen ındýstrııalyq-ınnovatsııalyq damý baǵdarlamasynyń jobalary aıasynda ekonomıkany ártaraptandyrýǵa jáne shıkizatty tereń óńdeýge baǵyttalǵan barlyq perspektıvaly kózdelgen jobalardy sheteldik ınvestorlar keńesiniń múshelerimen birge  pysyqtaý qajet. Mundaı árbir joba boıynsha uıymdasqan jumys toby Úkimetten jaýapty tulǵany bekite otyryp, júzege asyrylatyn naqty merzimi aıqyndalǵan birlesken is-qımyldyń naqty josparyn jasaýy qajet», dedi óz sózinde Memleket basshysy.

Osy oraıda Elbasy Úkimetke tıisti jumysty 2010 jyldyń birinshi toqsanynyń ishinde júrgizýdi jáne sheteldik ınvestorlardyń qatysýymen kelisilgen jobalardyń tizimin ózine bekitýge shyǵarýdy tapsyrdy. «Sheteldik keńestiń músheleri Úkimetpen bul másele boıynsha belsendi yntymaqtasatyndyǵyna senemin», dedi N. Nazarbaev.