Elbasy terrorlyq aktige baılanysty Aýǵanstan Prezıdentine kóńil aıtty

ASTANA. QazAqparat - Qazaqstan Respýblıkasynyń Prezıdenti Nursultan Nazarbaev Aýǵanstan Islam Respýblıkasynyń Prezıdenti Mohammad Ashraf Ǵanıge kóńil aıtý jedelhatyn joldady, dep habarlaıdy Aqordanyń baspasóz qyzmeti.

Jedelhatta Kabýl qalasyndaǵy terrorlyq akt saldarynan kóptegen adamdardyń qaza bolyp, zardap shekkeni týraly habardy Memleket basshysynyń zor kúızelispen qabyldaǵany aıtylǵan. 

«Qazaqstan halqynyń jáne jeke ózimniń atymnan Sizge, sondaı-aq qaza bolǵandardyń otbasylary men jaqyndaryna kóńil aıtyp, orny tolmas qaıǵyǵa ortaqtastyǵymdy bildiremin. Zardap shekkenderdiń tezirek saýyǵyp ketýine tilektespin.

Elderimizdiń beıbit ómiri men qaýipsizdigin qamtamasyz etý úshin qazirgi zamanǵy qaýip-qaterlerge qarsy kúreste Aýǵanstanmen yntymaqtastyqty jalǵastyrýǵa Qazaqstan árqashan daıyn ekenin atap ótemin», - delingen jedelhatta.

Eske sala ketsek, keshe tańerteń Kabýlda bolǵanjoıqyn jarylys saldarynan 50-ge jýyq adam opat bolyp taýyp, 150-ge jýyǵy jaraqat aldy.  QR SІM terrorlyq aktiden eki qazaqstandyq zardap shekti dep málim etti.