Elbasy Temirhan Dosmuhambetovtiń qazasyna baılanysty otbasy men týǵan-týystaryna kóńil aıtty

NUR-SULTAN. QazAqparat - Elbasy belgili memleket jáne qoǵam qaıratkeri Temirhan Dosmuhambetovtiń ómirden ótýine baılanysty marqumnyń otbasy men týǵan-týystaryna kóńil aıtý jedelhatyn joldady, dep habarlaıdy elbasy.kz.

«Temirhan Myńaıdaruly sanaly ǵumyryn el ıgiligi jolynda qyzmet etýge arnap, táýelsizdigimizdiń tuǵyrly bolýyna zor úles qosqan tulǵa edi. Ol birqatar joǵary laýazymdarda abyroıly jumys atqaryp, týrızm jáne sport, zań shyǵarý salalarynyń damýyna, elordamyzdyń kórkeıýine bar qajyr-qaıratyn jumsady. Keıinnen kásipkerlikpen aınalysyp, aýyl sharýashylyǵynyń órkendeýine atsalysty.

Bilikti basshy, paıym-parasaty bıik azamat retinde árdaıym eseli eńbek etip, kópshiliktiń izet-iltıpaty men qurmetine bólendi», – delingen Elbasynyń jedelhatynda.

Nursultan Nazarbaev Temirhan Myńaıdarulynyń jarqyn beınesi jurtshylyq jadynda árdaıym saqtalatynyna senim bildirdi.