Elbasy Tájikstan, Japonııa, Chehııa, Vetnam, Horvatııamen aradaǵy qarym-qatynasqa toqtaldy
"Biz Tájikstanmen dástúrli yntymaqtastyq pen strategııalyq seriktestikti damytýǵa zor mán beremiz. Bul rette Tájikstan Prezıdenti Emomalı Rahmonnyń Astanaǵa ótken jylǵy resmı saparyn aıryqsha atap ótkim keledi. Astana men Dýshanbe arasynda TMD, UQShU, ShYU jáne basqa da halyqaralyq qurylymdar aıasyndaǵy seriktestikti qarqyndy nyǵaıtýdamyz. Osy rette Tájikstanǵa Azııadaǵy ózara yqpaldastyq pen senim sharalary keńesindegi tóraǵalyǵyna tabys tileı otyryp, atalǵan baǵytta birge jumys isteýge daıynbyz",- dedi Nursultan Nazarbaev.
Elbasy Japonııamen jan-jaqty dıalogty damytý Qazaqstan syrtqy saıasatynyń basym baǵyttarynyń biri ekendigin atap ótti.
"Byltyr Brıýsselde ótken ASEM sammıtinde Premer-Mınıstr Sındzo Abemen júzdesip, eki memleket arasyndaǵy yntymaqtastyqty damytýǵa ýaǵdalastyq. Biz japondyq kompanııalardyń Qazaqstan naryǵyna atsalysýyna múddelimiz, barynsha jaǵdaı jasaýǵa daıynbyz. Oǵan eki eldiń arasynda tikeleı áýe reısterin ashý zor septigin tıgizedi", - dedi Memleket basshysy.
N.Nazarbaev Chehııa Prezıdenti Mılosh Zemannyń elordada ótken "EKSPO-2017" kórmesine kelýi ekijaqty baılanystardyń damýyna serpinin tıgizgendigin atap ótti. Sonymen qatar sońǵy jyldary Horvatııa Respýblıkasymen baılanystar aıtarlyqtaı nyǵaıa túskendigin aıtty.
"Búgingi tańda Vetnam Qazaqstannyń Ońtústik Shyǵys Azııadaǵy negizgi áriptesteriniń biri. Men Vetnamda bolyp, el basshylarymen kezdestim, kelissózder ótti. Sizdiń elińizdiń Premer-Mınıstri de Qazaqstanǵa birneshe márte keldi. Meni Vetnamǵa saparmen kelýge shaqyrǵan bolatyn, esimde", - dedi Elbasy.
Aıta keteıik, búgin Aqordada Elbasy Nursultan Nazarbaev Vetnam Sotsıalıstik Respýblıkasynyń Elshisi Ngýen Thı Hong Oannan, Horvatııa Respýblıkasynyń Elshisi Refık Shabanovıchten, Japonııa Elshisi Tatsýhıko Kasaıdan, Cheh Respýblıkasynyń Elshisi Rýdolf Gıklden, Tájikstan Respýblıkasynyń Elshisi Haırýllo Ibodzodalan senim gramotasyn qabyldady.