Elbasy tapsyrmasy: Atyraý oblysynyń kásiporyndary jalaqyny kótere bastady
Memleket basshysynyń eń tómengi jalaqy mólsherin arttyrýǵa qatysty Joldaýda aıtqan tapsyrmasyna sáıkes, óńirdiń birqatar kompanııasy óz qyzmetkerleriniń aılyǵyn ortasha eseppen 10-30% deıin arttyrdy.
Sońǵy málimetter boıynsha oblystyń 1724 kásipornynda 10030 qyzmetkerdiń jalaqysy 42,5 myń teńgeden tómen. Atyraý oblysy
Jumyspen qamtýdy úılestirý jáne áleýmettik baǵdarlamalar basqarmasynyń basshysy Asqar Janahmettiń aıtýynsha, qazirgi ýaqytta Memlekettik eńbek ınspektsııasy basqarmasy men Kásipkerlik jáne ındýstrıaldyq-ınnovatsııalyq damý basqarmasy jumys berýshiler men iri uıymdarda jalaqysy tómen qyzmetkerlerdiń aılyǵyn kóterýge qatysty mindetterdi túsindirý jumystaryn júrgizýde. Bul jumys óz nátıjesin berýde.
«Qashım» JShS dırektory Etıbar Mamadovtyń sózinshe, bıyl kásiporyn keıbir qyzmetkerleriniń jalaqysyn 12% kóterdi. Kelesi jyly qalǵan qyzmetkerlerdiń eńbek aqysy artatyny kútilýde.
«Búgingi kúni bizdiń qyzmetkerler 66-75 myń teńge alady. Atap ótkenimdeı, kelesi jyldyń naýryz aıynan bastap atqaratyn qyzmetine qaramastan, kásiporynda jalaqyny 10-15% kóterýdi josparlap otyrmyz», - dedi Etıbar Mamadov.
«KasHım» JShS 2006 jyly qurylǵan. Búginde onda 180 adam jumys isteıdi. Kompanııa polıpropılen men polıetılennen sýsymaly ónimderge arnalǵan jumsaq qaptamalar shyǵarady.
«Caspian Contractors Trust Atyrau» kompanııasy 2002 jyly qurylǵan. Kompanııanyń basty baǵyty - munaı-gaz salasynda jobalaý-izdestirý jumystaryn oryndaý. Sondaı-aq kompanııa qazirgi ýaqytta metall konstrýktsııalaryn salýmen jáne óndirýmen aınalysady.
«Biz Memleket basshysynyń saıasatyn qoldaımyz. Qazirgi tańda kásiporynnyń tehnıkalyq qyzmetkerleriniń jalaqysyn kóterý boıynsha jumys júrgizdik. Eger buǵan deıin olar 35 myń teńge alsa, búginde olardyń jalaqysy 55 myń teńgeni quraıdy», - dedi Kompanııanyń atqarýshy dırektory Murat Sqaqov.
Jalpy, kompanııa qyzmetkerleriniń ortasha jalaqysy 100 myń teńgeni quraıdy. Degenmen, iri jumys kólemin júzege asyrý kezinde eńbekaqy 300-350 myń teńgege deıin jetedi. Búgingi tańda bul kompanııada 255 adam eńbek etedi.
«Jigermunaıservıs» JShS-degi jaǵdaı týraly dırektordyń orynbasary Tımýr Qojaqanov aıtyp berdi.
«Bizdiń kópbeıindi kásiporynda 380 adam jumys isteıdi. Eńbek jaǵdaılaryna da, onyń laıyqty tólemine de kóp kóńil bólemiz. Qyzmetkerlerdiń jalaqysyn kóterý boıynsha jumystar júrgizdik. Qyzmetkerlerimiz ortasha eseppen 180 myń teńgege deıin alady. Eń tómengi jalaqy 110 myń teńge deńgeıinde. Buryn qyzmetkerlerimiz kem degende 80-90 myń alyp keldi Bul másele baqylaýymyzda. Jalaqyny kelesi jyly da arttyrý josparlanyp otyr»,- dedi Tımýr Qojaqanov.