Elbasy tapsyrmasy: Almaty oblysynyń kompanııalary jalaqyny 50% deıin kóterdi
Atap aıtqanda, birqatar kompanııa basshylary qyzmetkerleriniń bazalyq jalaqysyn kóterý týraly sheshim qabyldaǵandaryn jetkizdi. Olardyń qatarynda «Almaty boıaýlary» JShS, «Abdı Ibragım Global Farm» JShS, Jarkent krahmal-sirne zaýyty bar.
«Almaty boıaýlary» JShS Dırektorlar keńesiniń tóraıymy Rımma Salyqova osy jyldyń qarasha aıynda qyzmetkerleriniń eńbekaqysyn kóteretinin aıtty. Onyń kásiporyny 2009 jyldan beri jumys istep keledi jáne jol belgileri men jol jóndeý jumystaryna arnalǵan boıaý ónimderin shyǵarady.
«Kompanııanyń damýynda memlekettik qoldaý eleýli ról atqardy. Biz «Bıznestiń jol kartasy» baǵdarlamasynyń alǵashqy qatysýshylarynyń biri boldyq - zaýytty jańǵyrtý úshin nesıe alyp, jańa jabdyqtar satyp aldyq jáne jumys oryndaryn ashtyq. Qazir bizde shamamen 160 qyzmetker bar», - dedi R. Salyqova.
Ol kompanııa basshylyǵynyń qyzmetkerlerdiń áleýmettik mártebesin kóterýge jáne adamı kapıtaldy damytýdy ınvestıtsııalaýǵa erekshe mán beretinin atap ótti.
«Biz únemi qyzmetkerlerimizdiń jalaqysyn kóterýge tyrysamyz. Ázirge barlyǵynyń jalaqysyn 50 paıyzǵa deıin kóterdik. Biz áli de jalaqyny kóterý kerek dep sheshtik, óıtkeni halyqtyń ál-aýqaty deńgeıin kóterý kerek. Biz jalaqyny taǵy 15% kóterý týraly sheshim qabyldadyq. Kásipodaqtar men barlyq belsendi qaýymdastyq aýdandardy aralap, ákimdermen, kásipkerlermen kezdesip, osy máseleni talqylaýy qajet dep esepteımiz. Árıne, memlekettiń de kómegi bar, mysaly, salyqtyq amnıstııa bızneske qoldaý kórsetedi. Qyzmetkerlerdiń áleýmettik ál-aýqatyn kóterýimiz kerek. Bul mindet, meniń oıymsha, barlyq kásiporyndar basshylarynyń aldynda turýy tıis», - dedi Rımma Salyqova.
Sonymen birge ol kásiporynnyń qazirgi eń tómengi jalaqysy 76 myń teńgeni quraıtynyn atap ótti. Qarashada taǵy 15%-ǵa ósedi jáne bul qarajat kompanııa bıýdjetine engizilgen.
«Abdı Ibragım Global Farm» JShS bas dırektory Zııathan Gasanov Óz kezeginde Prezıdenttiń eń tómengi jalaqyny kóterý týraly sheshimine qoldaý bildirdi.
«Joldaýda «Bıznestiń jol kartasy» baǵdarlamasyn qosymsha qarjylandyrý arqyly 2025 jylǵa deıin uzartý aımaqtaǵy bıznes-qaýymdastyqtyń erekshe ynta-yqylasyn oıatty. Otandyq bıznesti damytýǵa jyl saıyn 30 mlrd teńge ınvestıtsııalaý mýltıplıkatıvtik áleýmettik-ekonomıkalyq nátıje beredi», - dedi Zııathan Gasanov.
Z. Gasanovtyń kásiporyndaǵy eń tómengi jalaqy - 120 myń teńge, al ortasha jalaqy - 353 myń teńge. Sonymen birge kompanııa Prezıdenttiń Joldaýyna qoldaý bildirý retinde jalaqyny odan ári ulǵaıtý týraly sheshim qabyldady.
«Jarkent krahmal-sirne zaýyty» JShS dırektorlar keńesiniń tóraǵasy Zákirjan Kýzıev te aımaqtaǵy kásipkerlik qaýymdastyq atynan sóz sóıledi. Onyń aıtýynsha, kompanııa aýyl sharýashylyǵy ónimderin satýǵa mamandanǵan jáne ónimniń 63% Ortalyq Azııa, Qytaı jáne Reseı elderine eksporttalady.
«Memleket basshysynyń Qazaqstan halqyna Joldaýynda birinshi kezekte halyqtyń tabysyn arttyrý mindeti tur. Oblys ákimdigi jan-jaqty túsindirý jumystaryn júrgizdi. Osyǵan oraı, bizdiń kompanııa 1 jeltoqsannan bastap jalaqyny arttyrady. Qazir bizde 1200 adam jumys isteıdi, olar negizinen aýyldyq jerlerde turady. Ortasha jalaqymyz 114 myń teńgeni quraıdy, al eń azy - 68 myń teńge. Jalpy kásiporynda kompanııanyń paıdasy esebinen jalaqy 1,5% ósedi jáne bul 311 qyzmetkerdi qamtıdy. Osylaısha, bıyl 1 jeltoqsannan bastap, ortasha jalaqy 127 myń teńgege deıin, al eń tómengi jalaqy - 80 myń teńgege deıin artady», - dedi Z.Kýzıev.
Sóz sońynda Zákirjan Kýzıev Memleket basshysynyń bastamasyn basqa da kásipkerlerdiń tolyq qoldaıtyndyǵyna jáne óz qyzmetkerleriniń jalaqysyn múmkindiginshe kóteretinine senim bildirdi.