Elbasy tańdaǵan syrtqy saıasat eldi durys baǵytqa alyp shyqty - sarapshy

NUR-SULTAN. QazAqparat – Elbasy kóregen saıasatker retinde eldi durys baǵytta ilgeriletip keldi. Bul týraly Memleket qaıratkeri, QR Tuńǵysh Syrtqy ister mınıstri Tóleýtaı Súleımenov málim etti, dep habarlaıdy QazAqparat tilshisi.

«Tuńǵysh Prezıdent tańdaǵan syrtqy saıasat bolmasa, onda Qazaqstanǵa ózermeli álemde óziniń ornyn tabý qıynǵa túser edi. Bul baǵyttaǵy saıasat álemdik qoǵamdastyqpen teń quqyly, dostyq qarym-qatynasty qurýǵa baǵyttaldy», - dedi T. Súleımen «QR Tuńǵysh Prezıdenti: jasampazdyq pen údemeli damýdyń 30 jyly» atty halyqaralyq dóńgelek ústel otyrysynda.

Osy oraıda ol sol kezeńde daıyn sheshimder bolmaǵanyn, al árbir qatelik eldi qıyn jaǵdaıǵa alyp kelýi múmkin ekenin atap ótti.

«Nazarbaev kóregen saıası qaıratker retinde ózine úlken jaýapkershilik alyp, eldi durys baǵytta alyp ótti. Qazaqstan óziniń ornyn izdep, óziniń qazaqstandyq damý jolyn tańdady. Bul dańǵyl jol kúrdeli ári qıyn bolǵany anyq», - dedi T. Súleımenov.

Aıta keteıik, atalǵan halyqaralyq shara QR Aqparat jáne qoǵamdyq damý mınıstrliginiń uıymdastyrýymen ótti. Onlaın rejımdegi jıyn barysynda Memleket qaıratkeri, QR Tuńǵysh Syrtqy ister mınıstri Tóleýtaı Súleımenov Táýelsiz memleketti qurý jolynda Elbasy úlken jaýapkershilikti alǵanyn atap ótti.