Elbasy Saýd Arabııasy Koroldiginiń ash-Shýra Medjlısiniń Spıkerimen kezdesti

NUR-SULTAN. QazAqparat - Qazaqstannyń Tuńǵysh Prezıdenti Saýd Arabııasy Koroldiginiń ash-Shýra Medjlısiniń Spıkeri Abdýllah Ál-Sheıhpen kezdesti. Bul týraly Elbasynyń resmı saıty habarlady.

Kezdesý barysynda Elbasy Abdýllah Ál-Sheıhke saparmen kelgeni úshin jáne Eýrazııa elderi spıkerleriniń keńesine qatysqany úshin alǵysyn bildirdi.

Nursultan Nazarbaev Qazaqstan men Saýd Arabııasy arasyndaǵy qarym-qatynastardyń dostyq sıpatyn atap ótti.

Sonymen qatar, Tuńǵysh Prezıdent Saýd Arabııasynyń basshylyǵy táýelsizdiktiń alǵashqy jyldarynda elimizge belsendi qoldaý kórsetkenin eske saldy.

– Biz Saýd Arabııasyna zor qurmetpen qaraımyz. Táýelsizdik alǵan tusta sizdiń elińiz úlken qoldaý kórsetti. Bul bizdiń esimizde, - dedi Elbasy.