Elbasy sapary: Qazaqstan men AQSh ǵarysh salasynda yntymaqtaspaq
Qazaqstan Respýblıkasy Prezıdenti Nursultan Nazarbaevtyń Amerıka Qurama Shtattaryna is-sapary barysynda ǵarysh qyzmeti salasyndaǵy yntymaqtastyq boıynsha birqatar qujattarǵa qol qoıdy.
QR QAÓM Aeroǵarysh komıteti men AQSh Іshki resýrstar departamentiniń AQSh Geologııalyq qyzmeti («USGS») arasynda Jerdi qashyqtyqtan zondtaý ǵaryshtyq tehnologııalardy qoldaný salasyndaǵy ózara tıimdi yntymaqtastyq pen keńistiktik málimetter ınfraqurylymyn damytýǵa baǵyttalǵan hatyna qol qoıyldy.
Sondaı-aq, QR QAÓM «Qazaqstan Ǵarysh Sapary» UK» AQ men geoaqparattyq júıelerdiń sapasy men ónimdiligin arttyratyn aqparattyq tehnologııalardyń jetekshi álemdik jetkizýshisi «Hexagon Geospatial» kompanııasy arasynda yntymaqtastyq týraly memorandýmǵa qol qoıyldy.
Memorandýmnyń maqsaty Jerdi qashyqtyqtan zondaý qazaqstandyq ǵaryshtyq júıesiniń tıimdiligin arttyrýǵa arnalǵan zamanaýı geokeńistiktik aqparattyq tehnologııalar men baǵdarlamalyq quraldar salasyndaǵy jaqtardyń yntymaqtastyǵy bolyp tabylady.
«Ǵalam» JShS pen spýtnıktik baılanystyń jerústi ınfraqurylym salasyndaǵy álem kóshbasshysy «iDirect» kompanııasynyń arasynda da yntymaqtastyq týraly Memorandýmǵa qol qoıyldy.
Atalǵan memorandým túrli maqsattaǵy spýtnıktik baılanys júıelerin, sondaı-aq ózara qyzyǵýshylyǵyn týdyratyn basqa da ónimder men qyzmetterin jasaý kezindegi jaqtardyń yntymaqtastyǵy men ózara is-árekettiligin kózdeıdi.
Budan basqa, QR QAÓM «Qazaqstan Ǵarysh Sapary» UK» AQ basshylyǵy «ESRI» kompanııanyń ókilderimen kezdesti. Kelissózder barysynda «ESRI» serverlik platformasyn Qazaqstan Respýblıkasynyń ǵaryshtyq baqylaýynda qoldaný múmkindikteri, sonymen qatar QR JQZ júıesiniń ǵaryshtyq sýretterin júzege asyrýmen baılanysty máseleler talqylandy.