Elbasy «Samuryq-Qazyna» ulttyq ál-aýqat qory» AQ basqarma tóraǵasyn qabyldady

NUR-SULTAN. QazAqparat - Qazaqstannyń Tuńǵysh Prezıdenti – Elbasy Nursultan Nazarbaev «Samuryq-Qazyna» ulttyq ál-aýqat qory» aktsıonerlik qoǵamy basqarmasynyń tóraǵasy Ahmetjan Esimovti qabyldady, dep habarlaıdy QazAqparat elbasy.kz saıtyna silteme jasap.

Kezdesý barysynda Qazaqstannyń Tuńǵysh Prezıdentine Ulttyq ál-aýqat qorynyń 2019 jylǵa arnalǵan damý qorytyndylary týraly aqparat usynyldy.

A.Esimov Qor kompanııalary tobynyń taza kirisi 1,2 trln teńgeni qurap, bul josparlanǵan kórsetkishten 38 paıyzǵa artyq ekenin habarlady. Qaryz júktemesi 2017 jyldan beri 1 trln teńgege, al syrtqy qaryz 5,1 mlrd AQSh dollaryna azaıǵan.

Sondaı-aq, Qor kompanııalarynyń qarjylyq jaǵdaıyn odan ári jaqsartý, portfeldi kompanııalardyń IPO-ǵa shyǵýy jáne jekeshelendirý josparyn iske asyrý jónindegi sharalarǵa erekshe nazar aýdaryldy.

Kezdesý sońynda Elbasy birqatar naqty tapsyrma berdi.