Elbasy: «Rýhanı jańǵyrý» - «Nur Otannyń» ıdeologııalyq jumystarynyń tuǵyrnamasy

ASTANA. QazAqparat - «Rýhanı jańǵyrý» - bul «Nur Otannyń» aǵymdaǵy ıdeologııalyq jumystarynyń tuǵyrnamasy. Bul týraly búgin «Nur Otan» partııasy Saıası keńesiniń keńeıtilgen otyrysynda Elbasy Nursultan Nazarbaev aıtty, dep habarlaıdy QazAqparat.

Otyrys barysynda Qazaqstan Prezıdenti bılik tarmaqtary arasynda ókilettikti qaıta bólýmen baılanysty konstıtýtsııalyq reformanyń qabyldanǵanyn jáne ol eldiń saıası júıesin demokratııalandyrýǵa baǵyttalǵan naqty qadam bolǵanyn basa aıtty.

«Nur Otan» partııasy oıdy túsindirýdiń ásheıin ǵana minberi bolyp qana qoımaı, sonymen birge ony barlyq deńgeıde belsendi ilgeriletýi tıis. «Rýhanı jańǵyrý» baǵdarlamasy - bul partııanyń aǵymdaǵy ıdeologııalyq jumystary úshin tuǵyrnama. Baǵdarlamany júzege asyrýǵa laıyqty qatysý úshin partııa óz jumysyn tıimdi jolǵa qoıýdyń naqty tetikterin tabýy tıis», - dedi Nursultan Nazarbaev.

Buǵan deıin habarlaǵanymyzdaı, otyrys barysynda Qazaqstan Prezıdenti búgingi jaǵdaıdaǵy álemniń damýy partııa aldyna da zor maqsattar júkteıtindigin basa aıtqan edi .

«Sóz «Nur Otan» partııasynyń ózin jańǵyrtýmen baılanysty bolyp otyr. Óıtkeni, el, ekonomıka jańǵyryp, saıası kúshter de soǵan saı bolýy tıis», - dedi Elbasy.