Elbasy Rafael Nadalmen jáne Novak Djokovıchpen kezdesti

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev tanymal tennısshiler Rafael Nadalmen jáne Novak Djokovıchpen kezdesti, dep habarlaıdy QazAqparat.

Bul týraly Elbasynyń baspasóz hatshysy Aıdos Úkibaı twitter jelisinde jazdy.

«Nursultan Nazarbaev Qazaqstan astanasynda ótetin qaıyrymdylyq match aldynda álemdik tennıs ańyzyna aınalǵan Rafael Nadalmen jáne Novak Djokovıchpen kezdesti. Tuńǵysh Prezıdent olarǵa tabysty ári ádemi oıyn tiledi», - dedi Aıdos Úkibaı.

Sportshylar Tuńǵysh Nursultan Nazarbaevqa avtograf qoıylǵan jeıde syılady.

Óz kezeginde Elbasy sportshylar oıynyn tamashalaıtynyn jetkizdi.

Eske sala ketsek, búgin elordadaǵy «Barys arena» stadıonynda álemniń birinshi jáne ekinshi raketkalary, serbııalyq Novak Djokovıch pen ıspanııalyq Rafael Nadal qaıyrymdylyq match ótkizedi.

Buǵan deıin Qazaqstan Prezıdenti Qasym-Jomart Toqaev tanymal tennısshilermen kezdesken bolatyn.