Elbasy prezıdenttik ókilettigin toqtatý týrasynda: Bul durys sheshim boldy

NUR-SULTAN. QazAqparat -Qazaqstan halqy Assambleıasynyń XXVII sessııasynda QR Tuńǵysh Prezıdenti - Elbasy, QHA Tóraǵasy Nursultan Nazarbaev aldaǵy saılaýǵa qatysty pikir bildirdi, dep habarlaıdy QazAqparat tilshisi.

«9 maýsymǵa prezıdenttik saılaý belgilendi. Barsha qazaqstandyqtardy, Assambleıa múshelerin aldaǵy saılaýǵa belsendi túrde qatysýǵa shaqyramyn», - dedi N. Nazarbaev.

Sonymen qatar Elbasy bıyl naýryzda ókilettigin toqtatý sheshimin ne úshin qabyldaǵanyn túsindirdi.

«30 jylǵa jýyq ýaqyt Qazaqstanǵa basshylyq ettim. Meniń bul qadamym Qazaqstannyń turaqty damýyn ary qaraı qamtamasyz etý úshin, sondaı-aq tynysh bılik tranzıti úshin jáne basshylardyń jańa býyny aıaǵyna turýyna kómektesý turǵysynda jasaldy. Osy qadamymdy álemniń kóptegen elderiniń basshylary durys túsinip, qoldaý bildirdi. Elde osyǵan baılanysty ókinish pen úreı bolǵanyn bilemin. Ýaqyttyń yryqqa kónbeıtini, bir orynda turmaıtyny barshamyzǵa aıan. Barlyǵy ózgeriske ushyraıdy, biz de ózgerýimiz kerek. Meniń oıymsha, bul durys sheshim boldy. Osyǵan baılanysty eshqaısyńyzda bul sheshimge baılanysty kúmán bolmaýyn qalaımyn. Osy ýaqytqa deıin qoldap kelgen el halqyna, QHA-nyń barlyq múshelerine alǵysymdy aıtamyn», - dedi ol.