Elbasy paýerlıftıngten sport sheberi, alpınıst Marııa Áýezovamen kezdesti

NUR-SULTAN. QazAqparat - Kezdesýde Marııa Áýezova Elbasyǵa qamqorlyǵy úshin jáne onyń armanyn oryndap, bıonıkalyq protez alýǵa kórsetken qoldaýy úshin alǵysyn aıtty, dep habarlaıdy QazAqparat Elbasynyń resmı saıtyna silteme jasap.

Óz kezeginde Qazaqstannyń Tuńǵysh Prezıdenti sportshynyń múmkindigi shekteýli ekenine qaramastan Everesti baǵyndyrýǵa bel býǵan tabandylyǵy men ójettigin atap ótti.

– Kezinde men de Abaı shyńyn baǵyndyrdym. Bul qanshalyqty qıyn ekenin jaqsy bilemin. Sizge jaraısyz demekpin. Mundaı dúnıeler adamdarǵa shabyt berip, qanattandyra túseri sózsiz, – dedi Nursultan Nazarbaev.

Aıta ketken jón, 2021 jylǵy sáýir aıynda Marııa Áýezova alpınıster komandasymen birge Everest bazalyq lagerine (5364 metr) jáne Kala-Pathar taýyna (5640 metr) shyqty. Elbasy Everesti eki aıaǵynyń joqtyǵyna qaramastan baǵyndyrǵan alpınıstiń erligine tánti bolyp, Qazaqstan halqy Assambleıasynyń 29-sessııasynda oǵan protez alýǵa kómektesýge ýáde bergen bolatyn.

Nursultan Nazarbaev qorynyń qoldaýymen M.Áýezovaǵa bıonıkalyq protez alyndy jáne ol mamandardyń baqylaýymen beıimdelý kýrsynan ótti.