NUR-SULTAN. QazAqparat - Bılik partııasyn qaıta jandandyrý nátıjesi búkil elde aýqymdy praımerız júrgizý bolady. Bul týraly QR Tuńǵysh Prezıdenti - Elbasy Nursultan Nazarbaev aıtty, dep habarlaıdy QazAqparat tilshisi.
«Bul alǵash ret ótip jatyr. Bul - partııaishilik saılaý. Bul - shynaıy áleýmettik lıfti, básekelestik irikteýi, jańa ıdeıalar men jobalar izdeý», - dedi Elbasy.
QR Tuńǵysh Prezıdenti barlyq partııalastaryn praımerızge qatysýǵa shaqyrdy.
«Barlyq partııalastardy, «Nur Otan» jaqtastaryn elimiz úshin osynaý mańyzdy saıası oqıǵaǵa barynsha belsendi qatysýǵa shaqyramyn«, - dedi Nursultan Nazarbaev.
Marlan Jıembaı
Abaı oblysynyń Aıagóz aýdanynda dúnıege kelgen. Ál-Farabı atyndaǵy Qazaq ulttyq ýnıversıtetiniń fılologııa fakýltetin bitirgen. 2005 jyldan beri "QazAqparat" halyqaralyq aqparat agenttiginde jumys isteıdi.