Elbasy: Nesıege batyp baılyq izdegenshe, eńbekpen ıgilikke kenelgen abzal
«Búgingi jahandyq álem men osy álemniń qundylyqtary aýysyp jatyr, tipti 180-gradýsqa dese de bolady. Biz sońǵy on jyl boıy udaıy semip, úlkeıip otyrǵan qoǵamdyq tutynýdyń odan saıyn buldyrlanyp bara jatqanyn baıqap kelemiz. Ómir boıy boryshqa batyp ómir súrýge bolmaıdy. Kredıtten udaıy bereke izdeý, turaqty qaryzdardy arttyrýdyń óz jazasy bolady. Buǵan eýropalyq elderdiń jaǵdaıyn da mysalǵa keltirýge bolady: qaryzǵa aldy, ony óteý úshin taǵy ústine qaryz aldy, al ony óteý úshin taǵy batty. Bir kúni «boldy, toqta, qaryzdy qaıtar» dese beretin eshteńesi joq. Jaıly ómir súrdi, jaqsy tapty, bas-basyna birneshe úıler satyp aldy, 4-5 kólikpen júrdi. Endi tóleý ýaqyty kelgende daǵdarysqa ulasty. Joǵalǵan qarajattyń ózi birneshe trıllıon dollardy quraıdy. Júzdegen mıllıon jan jumyssyz qaldy», - dedi Elbasy.
Sonymen qatar, Prezıdent búgingi kúni búkil álem tutyný ıdeologııasynyń damyǵan elderdegi jappaı áleýmettik álsizdikti týdyrǵanyn atap ótti. Bunyń ózi jahandyq daǵdarystyń basty sebepterine aınalyp otyr. «Bundaı tipti damyǵan elderde de júzege aspaıtyn «jalǵan ıdeıaǵa» qarsy basqa syndarly balama tabýymyz kerek. Men buǵan balama retinde «jappaı eńbek etý qoǵamyn» ataı alamyn. Eńbek qana ıgilik pen bereke ákeledi. Kredıt te, aqsha da, qarjy júıesi de emes, tek óndiris qana. Aqshadan aqsha jasap baıyp jatqandar da bar. Degenmen, sońǵy másele - óndiris», - dedi N. Nazarbaev.