Elbasy Nıý-Iorkte qazirgi kezde jáne bolashaqta iske asyrylýy tıis naqty bastamalardy kóterdi - Erjan Ashyqbaev
«Jalpy Elbasynyń Nıý-Iorkte bolǵan pikirtalastarda aıtqan usynystaryn men óz basym eki topqa bóler edim. Birinshisi, naqty qazirgi kezde is-áreketti qajet etetin qadamdar bolsa, al ekinshisi, perspektıvaly jospar. ıAǵnı, bolashaqqa negizdelgen kúntártibin alǵa jyljytýǵa baǵyttalǵan. Osy Jahandyq damý keńesin qurý, sondaı-aq ǵalamdyq ekonomıkalyq qarjylyq turaqsyzdyqpen kúresý maqsatynda ultústilik álemdik valıýta ázirleý týraly usynystar bolashaqta búkil adamzattyń, memleketterdiń jumys isteıtin kúntártibindegi ózekti máselelerdiń biri retinde usynyldy», - dep toqtaldy. E. Ashyqbaev.
Sonymen qatar ol búginde jasalýy kerek sharalardyń biri retinde QR Prezıdentiniń EKSPO-2017 kórmesiniń ınfraqurylymy negizinde Astanada BUU-nyń qamqorlyǵymen jasyl tehnologııalar men ınvestıtsııalyq jobalardy damytý halyqaralyq ortalyǵyn qurý bastamasyn atap ótti.
Esterińizge sala keteıik, Qazaqstan Prezıdenti Nursultan Nazarbaevtyń BUU Bas Assambleıasynyń 70-shi sessııasyndaǵy pikirtalastarda halyqaralyq beıbitshilik pen qaýipsizdikti nyǵaıtýdyń jańa bastamalary usynylǵan sózi álemdik buqaralyq aqparat quraldarynyń úlken qyzyǵýshylyǵyna ıe boldy. Qazaqstan lıderi Birikken Ulttar Uıymynyń Ekonomıkalyq jáne Áleýmettik keńesin Jahandyq damý keńesi etip qaıta qurý qajet dep esepteıdi. «Onyń quramyna BUU Bas Assambleıasy saılaıtyn múshe-memlekettermen qatar, Uıymnyń arnaıy mamandandyrylǵan mekemeleriniń, sonyń ishinde Halyqaralyq valıýta qorynyń jetekshileri kire alatyn edi. Keńeske jahandyq ekonomıkalyq retteýshiniń fýnktsııalaryn artý qajet», - degen edi N.Nazarbaev.