Elbasy N.Nazarbaevtyń qatysýymen QHA-nyń mereıtoılyq saltanatty kontserti ótti

ASTANA. 24 sáýir. QazAqparat - Elordadaǵy Beıbitshilik jáne kelisim saraıynda «Qazaqstan - 2050» strategııasy: bir halyq - bir el - bir taǵdyr» atty kúntártibindegi Qazaqstan halqy Assambleıasynyń mereıtoılyq 20-shy sessııasynyń saltanatty kontserti ótti. Oǵan mártebeli meıman retinde QR Prezıdenti Nursultan Nazarbaev qatysyp, tamashalady.

Mádenı kesh barysynda Qaraǵandynyń «Sholpan», «Vaınah», Almatynyń «Naırı», «Bahar», «Rýhsara», Soltústik Qazaqstan oblystyq fılarmonııasynyń «Týǵan jer» bı ansamblderi men elordanyń «Astana Ballet» horeografııalyq ansambli óz ónerlerin pash ettti. Reseı Federatsııasynan kelgen Memlekettik Omby orys halyq horynyń bı toby da óz ónerlerimen kórermenniń ystyq yqylasyna bólendi.

Sondaı-aq kontsert barysynda Tatarstan, Armenııa, Ázirbaıjan, Ýkraına, Reseıden kelgen halyqaralyq konkýrstar men festıvalderdiń laýreattary ózderiniń halyq ánderin oryndady.

Kesh shymyldyǵy Qazaqstannyń eńbek sińirgen mádenıet qaıratkeri Tolqyn Zabırovanyń, halyqaralyq konkýrstardyń laýreattary Igor Blagodarnyı men Ravshan Saıdhodjaevtyń oryndaýyndaǵy «Máńgilik el» vokaldy-horeografııalyq kompozıtsııasymen jabyldy.