Elbasy N.Nazarbaev respýblıkalyq ardagerler uıymyn 25 jyldyq mereıtoıymen quttyqtady
Atalǵan hatty búgin elordadaǵy Kongress-Holl saraıynda ótip jatqan jıyn barysynda QR Memlekettik hatshysy Muhtar Qul-Muhammed oqyp berdi.
«Ardaqty ardagerler, sizderdi aıtýly oqıǵa - Respýblıka ardagerleri uıymynyń qurylýynyń 25 jyldyǵymen quttyqtaımyn. Eń aldymen barlyq ardagerlerge shynaıy rızashylyǵymdy bildirgim keledi. Aǵa urpaqtyń eńbegin tolyqtaı baǵalaý qıyn. Sizderdiń kópshiligińizdiń jastyq shaqtaryńyz Uly Otan soǵysynyń surapylyna tap kelgendikten maıdan dalalarynda erlik pen qaharmandyqtyń úlgisin kórsete júrip, shaıqasyp Uly Jeńisti jaqyndattyńyzdar. Soǵystan keıingi halyq sharýashylyǵyn qalpyna keltirý jyldary da ońaı bolǵan joq. Sizder ol mindetti de úlken abyroımen oryndap shyqtyńyzdar», - delingen quttyqtaýda.
Sondaı-aq QR Prezıdenti elimizdiń ardagerleriniń táýelsizdiktiń qıyn-qystaý jyldarynda ekonomıkalyq jáne áleýmettik-saıası reformalarǵa qoldaý bildirgendikterin, Qazaqstandaǵy turaqtylyqtyń, birliktiń, qoǵamdyq kelisimniń nyǵaıýyna zor úles qosyp kele jatqandyqtaryn basa aıtqan.
«Sizderge, sizderdiń otbasylaryńyz ben týǵan-týysqandaryńyzǵa myqty densaýlyq, baqyt, beıbit ómir men ıgilikter tileımin», - deıdi quttyqtaý hatynda