Elbasy N.Nazarbaev kezekten tys saılaý ótkizý jóninde tarıhı sheshim qabyldady - QR Memlekettik hatshysy
12:08, 22 Sáýir 2015
ASTANA. QazAqparat - Qazaqstan Prezıdenti kezekten tys saılaý ótkizý jóninde tarıhı sheshim qabyldady. Bul pikirdi búgin Qazaqstan halqy Assambleıasy keńesiniń keńeıtilgen otyrysynda QR Memlekettik hatshysy Gúlshara Ábdiqalyqova aıtty.
«Qazaqstan halqy Assambleıasynyń bıylǵy jylǵy otyrysy el ómirindegi erekshe oqıǵa QR Prezıdenti saılaýy kúnimen tuspa-tus kelip otyr. Sanaýly kúnderden keıin, ıaǵnı 26 sáýir kúni biz elimizdegi eń mańyzdy saıası sharaǵa barsha halyq bolyp qatysyp, birligimiz ben yntymaǵymyzdy taǵy da tanytatyn bolamyz», - dedi G.Ábdiqalyqova.
Osy rette ol kezekten tys Prezıdent saılaýyn ótkizý jónindegi bastama Qazaqstan halqy Assambleıasy músheleri tarabynan kóterilgenin atap ótti.
«Álbette, bul baıypty bastamanyń mazmuny men naqty negizi bar ekenin halyqtyń ózi qýattap berdi. Eń bastysy Elbasy Nursultan Ábishuly Nazarbaev Qazaqstan halqynyń ıgi tilegin tereń sezinip, kezekten tys saılaý ótkizý jóninde tarıhı sheshimin qabyldady», - dedi ol.