«Elbasy medali» baǵdarlamasy jastardy damytýǵa baǵyttalady - Ánýar Janǵozın
«QR Tuńǵysh Prezıdenti Nursultan Ábishuly Nazarbaev elimizdegi jastardy qoldaý maqsatynda «El Úmiti» bastamasyn usyndy. Qazirgi tańda Tuńǵysh Prezıdent Qory men Elbasy Akademııasy osy bastama aıasynda jarııalanǵan jobalardy júzege asyrý boıynsha belsendi jumystar jasap keledi. Búgin mine «El Úmiti» bastamasy aıasynda iske asatyn Elbasy medali aýqymdy jobasyn bastaǵaly otyrmyz. Baǵdarlamanyń negizgi sımvoly - tabystyń 7 jebesin bildiredi. Osy jeti baǵyt boıynsha baǵdarlamany aıaqtaý jeke tulǵanyń jan-jaqty úılesimdi damýyna yqpal etedi.
Baǵyttardy atap ótetin bolsaq, olar - «Sport jáne dene shynyqtyrý», «Kitap oqý», «Daryn men daǵdy», «Ulttyq mura», «Eriktilik», «Týrıstik saıahattar» jáne «Eńbek tájirıbesi». Jobanyń basty maqsaty - 14 pen 29 jas aralyǵyndaǵy qazaqstandyqtarǵa ózin jetildirýge jańa serpin berý, damý jolynda barynsha qoldaý kórsetý», - dedi Á. Janǵozın Ortalyq kommýnıkatsııalar qyzmetinde.
Osy oraıda ol jas ereksheligi boıynsha saı keletin, turatyn jeri men áleýmettik mártebesine qaramastan kez kelgen adam qatysa alatynyn aıtty. Baǵdarlama birinshi kezekte qatysýshynyń ózin-ózi jetildirýden ótýin kózdeıdi, ol degenimiz fızıkalyq jaǵdaıyn jaqsartyp, daǵdysyn damyta otyryp, aınalasyndaǵy jandarǵa kómegin tıgizý. Chellendj formatynda uıymdastyrylǵan baǵdarlamany iske asyrý úshin elimizdiń barlyq oblystary men qalalarynda óńirlik resýrstyq ortalyqtar men tálimgerlerdiń jelisi quryldy. Bul jobanyń árbir qatysýshysyna ádistemelik qoldaý berý maqsatynda jasalyp otyr.
«Baǵdarlamanyń artyqshylyqtaryna keletin bolsaq, birinshiden, qatysýshylarǵa beriletin tańdaý quqyǵy. Bekitilgen 7 baǵyt aıasynda kez kelgen salany tańdap, ózin jetildirý protsesin bastaı berýge bolady. Ekinshiden, baǵdarlama qazirgi tańda ata-analar úshin ýaıymǵa aınalǵan balanyń bos ýaqytyn uıymdastyrý jónindegi suraqtardy kún tártibinen alyp tastaıdy. Chellendjge qatysqan jastar vırtýaldy álemnen tabysqa jeteleıtin ortaǵa kóshedi. Mysaly, densaýlyǵyna kóbirek kóńil bólip, kitap oqyp, ıntellektýaldy jáne shyǵarmashylyq turǵyda damıdy», - dep túsindirdi Janǵozın.
Sonymen qatar ol baǵdarlamaǵa qatysý tegin ekenin jetkizdi.
«Sondyqtan joba qazaqstandyqtar úshin, ásirese karantınnen sharshap júrgen jastar úshin jaqsy motıvatsııaǵa aınalady dep senemiz. Taǵy da qaıtalap óteıin, baǵdarlamaǵa elimizdiń kez kelgen aımaǵynan jasóspirimder men jastar qatysa alady. ıAǵnı, shalǵaı eldi mekenderdi de qamtıtyn bolamyz. Elbasy medali baǵdarlamasynan sátti ótken jastardy patrıottyq tanytqany jáne belsendi azamattyq ustanymy úshin erekshelik belgisimen nagradtaý kózdelgen. Kórsetilgen nátıjeler negizinde baǵdarlama qatysýshylary altyn, kúmis jáne qola medaldarmen marapattalady. Ár deńgeıde qoıylatyn talaptar bar. Qola deńgeıge jetý úshin 6 aı, kúmiske 12 aı jáne altyn deńgeıge jetý úshin 18 aı qajet», - dedi Ánýar Janǵozın.
Belgili bolǵandaı, baǵdarlamaǵa qatysý úshin me.fpp.kz saıtynda aldymyzdaǵy eki aptanyń ishinde tirkelý qajet. Búginde qyzyǵýshylyq tanytyp, aldyn ala tirkeýden ótken qatysýshylar sany 6 myńnan asyp otyr.