Elbasy Máskeýdegi Qyzyl Alańda Jeńistiń 65 jyldyǵyna arnalǵan sherýge qatysady - O. Savchenko
Búgin QR Parlamenti Májilisi men RF Federaldyq Jınalysy Memlekettik Dýmasy arasyndaǵy yntymaqtastyq týraly Palataaralyq parlamenttik komıssııanyń segizinshi otyrysynyń ashylýy barysynda jýrnalısterge bergen suhbatynda komıssııanyń teń tóraǵasy RF Dýma depýtaty Oleg Savchenko osylaı málim etti, dep habarlaıdy QazAqparat.
«65 jyl burynǵy Uly Jeńis bul bir ǵana memlekettiń jeńisi emes, úlken birtutas halyqtyń, dostas halyqtardyń jeńisi. Jalpy Uly Jeńistiń 65 jyldyǵyna qatysty atqarylatyn sharalar búgingi parlamentaralyq komıssııa talqylaıtyn mańyzdy máselelerdiń biri bolyp tabylady», dep atap ótti Dýma depýtaty. Sonymen birge, aǵymdaǵy jylǵy Jeńistiń 65 jyldyǵy merekesiniń eki memleket úshin mańyzyna toqtalǵan O. Savchenko, buǵan RF men Qazaqstan basshylarynyń da atalǵan sharaǵa úlken mán berip otyrǵanyn jetkizdi. «Dástúrli túrde Máskeýde Qyzyl alańda ótetin Jeńis sherýine kóptegen memlekettiń basshylary qatysyp keledi. Al bıylǵy jyly Qazaqstan Prezıdenti N. Nazarbaev osyndaı sherýge qatysýǵa alǵashqylardyń biri bolyp kelisimin berip otyr. Bul biz úshin asa mańyzdy shara», dedi O. Savchenko.