Elbasy maqalasynda «Uly Dala Eliniń» qazirgi ahýaly týraly oıymen bólisti - akademık S. Nurmuratov

ALMATY. QazAqparat - Qazaqstan Áleýmettik Ǵylymdar akademııasynyń akademıgi, QR BǴM ǴK Fılosofııa, saıasattaný jáne dintaný ınstıtýty dırektorynyń orynbasary, fılosofııa ǵylymdarynyń doktory, professsor Serik Nurmuratovtyń aıtýynsha, Elbasy oqyrmandarmen «Uly Dala Eli» halqynyń qazirgi jaǵdaıyna, daǵdarystyń aldyn alý qajettigine arnalǵan oılarymen bólisti.

«Ótken ǵasyrlarda talaı qıyndyqtardy basynan ótkizgen halqymyz úshin qazirgi tarıhı kezeńniń keıbir aýyrtpalyqtaryn eńserý úshin, buralańdarynan durys jol tabý úshin naqty júıeli memlekettik turǵyda áleýmettik qadamdar kerek ekeni baıandaldy. «Túbinde tabysty, serpindi damýshy qazaqstandyq qoǵamdy qalyptastyrý» uǵymy kópshiliktiń qoǵamdyq sanasynda mańyzdy baǵdar, bazalyq qundylyq retinde ornyǵýy tıis ekeni kórsetildi. Memleket basshysy aıtqandaı, reformany júzege asyrýdyń zańnamalyq negizi jasaldy. 59 zań ult josparyn júzege asyrýdyń negizgi irgetasy retinde qalandy. Bul reformalar elimizdiń 30 eldiń qataryna ený úshin jasalyp jatyr. Endi osy jumysqa memlekettik qyzmetkerler, kásipkerler, azamattar belsene qatysýy kerek», - dedi Serik Nurmuratov.