Elbasy maqalasyn oqyǵanda ár sózine ishteı kelisip otyrdym - Saltanat Baıqoshqarova

ASTANA. QazAqparat - Elbasynyń "Bolashaqqa baǵdar: rýhanı jańǵyrý" atty maqalasy - qoǵamdyq sanany jańǵyrtýǵa baǵyttalǵan, elimizdiń tarıhyna, salt dástúrine negizdelgen, sonymen qatar búgingi kúnniń talabyna saı, bolashaqty baǵdarlaıtyn kólemdi tereń joba. Bastan aıaq oqyp otyryp, erekshe sezimde boldym. Jobanyń árbir sózimen ishteı túgel kelisip otyrdym.

Búgingi kún - erekshe jyldamdyqpen aınalamyz ózgerip jatqan ýaqyt. Elbasymyz aıtqandaı: «Bizdiń maqsatymyz aıqyn, baǵytymyz belgili, ol álemdegi eń damyǵan 30 eldiń qataryna qosylý».

Bárimizge belgili, biz búginde sol damyǵan memleketterdiń ozyq tehnologııalaryn barlyq salalarda molynan qoldanamyz, solar shyǵarǵan kólikti minemiz, sapaly taýardy tutynamyz. Ózim jumys jasaıtyn medıtsına salasynda da solar shyǵarǵan qural-jabdyqtarmen, dári-dármekterdi qoldanyp, eldi emdeımiz, urpaq órbitýge kómektesemiz. Ókinishtisi, bizdiń elde ondaı dúnıejúzilik joǵary deńgeıdegi qural jabdyqtar, dáriler shyǵarylmaıdy. Elimizde egemendik alǵan 25 jylda záýlim zamanaýı ǵımarattar salyp, medıtsına salasyn qarqyndy damytyp kele jatqanmen, bizde maman tapshylyǵy da, tehnologııa, jabdyq tapshylyǵy da áli de birtalaı baıqalyp keledi. ıAǵnı, biz osyndaı jetistikterge jettik, kimnen kemmiz dep maqtanyp otyra bermeı, osy damyǵan elderdiń deńgeıinde básekelestikke saı ınjenerlik sheshimderge jetýimiz qajet ekenin kórip otyrmyz.

Bizdiń bir ızraıldik áriptesimiz, medıtsına salasynyń úlken ǵalymy «Álemde ǵylym kúrt ózgerýde, sonymen birge bizde ózgerýimiz, zamanǵa saı tez qalyptasyp turýymyz qajet» degen edi.

Elbasy aıtqandaı, tehnologııamen qatar biz ózimizdiń ulttyq genetıkalyq kodymyzǵa, tilimizge, mádenıetimizge, salt-dástúrimizge myqty bolýymyz qajet, alǵa basýǵa, ultymyzdyń damýyna kedergi bolatyn ótkenniń kertartpa  tustarynan bas tartý kerek. Jobada rýhanı jańǵyrý, sanamyzdyń zamanaýı ózgeristerge saı ashyq bolý máseleleri aıryqsha atalǵan.

Jasyratyny joq, aqparattyq quraldarda kóptegen, bosqa ýaqytty alatyn, ártúrli jaǵymsyz, túkke turmaıtyn  aqparattar, ótkenniń qazirgi zamanǵa saı kelmeıtin tustaryn nasıhattaıtyn jaǵdaılar aǵylyp tógiledi. Sony jazyp otyrǵan adamdardyń sanasyna, jazǵan dúnıelerine jaýapkershilikpen qaramaıtynyna shynymenen-aq qarnyń ashady. Osyndaı aqparattardyń jeteginde ketip jatqan qanshama jan bar.

Dúnıejúzilik deńgeıde básekelestikke saı bolý úshin bilimniń saltanat qurýy asa qajetti ekenin Elbasy erekshe atap ótken. Álemdik bilimge tolyqqandy qol jetkizý úshin, ana tilińmen qatar aǵylshyn tilin jetik bilý aýadaı kerek ekeni aıtylǵan. Qazirgi zamanda elimizde  qos-qos dıplomy bar, biraq bilimi joq jastar da jetkilikti. Aıtatyny, osyndaı dıplomdarmen bizge jumys joq degeni. Negizine kelgende, olardy jumysqa alǵanda bilimin teksergende, básekelestikke, joǵary deńgeıge saı kelmeıtinine jumys berýshiler kóz jetkizedi.

Bolashaqqa baǵdarlaıtyn Elbasynyń bul kólemdi jobasyn árbir adam, ásirese jastar, birneshe ret oqyp, júregimen, sanasymen qabyldasa ǵana bizdiń elimizde jarqyn bolashaqqa jeteleıtin ıgi ózgerister bolar edi degen senimdemiz. Ár azamat, basqany synap-minemeı, óziniń rýhanı dúnıesin baıytyp, ǵylym, bilim qýyp, joǵary sapaly eńbektengen jaǵdaıda bizdiń elimizdiń  bolashaǵy zor bolady degen oıdamyz.

Saltanat Berdenqyzy Baıqoshqarova,

Qazaqstan Respýblıkasy Prezıdentiniń janyndaǵy

Áıelder isteri jáne otbasylyq-demografııalyq saıasat

jónindegi  Ulttyq komıssııanyń múshesi, bıologııa

ǵylymdarynyń doktory, «Ekomed» adam urpaǵyn

órbitý klınıkasynyń ǵylymı dırektory